طلبة المدارس
السلام عليكم شحالكم بنات وحريم ..
عندي بحث عن التمائم ياليت تساعدوني في اي شي تعرفونه عنه
ومواضبع النت نصهن انا قريتهن ..
ويزاكم الله خير ..
بليز ضروري ف اسرع وقت
اختكم
كعبيوه
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
منو تعرف تزين دفاتر وملفات (يعني تجلدهم بقماش ) ….
اللي تعرف تتواصل معاي ….
ان شالله حد يفيدك
اللي عندها مقدره على التعبير أبى مسااااااعده ضروووووري، لو سمحتن، أبى كلمة يقولها طفل في حفل التخرج :1 (69): نيابه عن أصدقاءه الخرجين، وياليت لو يكون من ضمن الكلمه، ثناء على المدرسه والمدرسات، وبالإضافه إلى بعض الجمل التي تتحدث عن إنهائهم الكي جي وانتقالهم للقريد ون، واللي تحس أنها تقدر فيا ريت تساعدني، والله وجزاكن الفردوس الأعلى.
بالتوفيق الغالية ان شاء الله الخوات ما بيقصرون وياج
ودي أساعد لكن تعبيري ميييييييييح
لكن الأخوات ما يجصرن
شحالكن بنات؟ إن شاء الله بخير
بغيت أسألكن شو الفرق بين اللذين و الذين؟
و مشكورات مقدماً
الله يسلمج ويعافيج بخير وعافيه الحمدلله
انا مب متخصصه لغه عربيه بس بقولج اللي اعرفه اختي ,, وان شاء الله تستفيدين منه
الاسماء الموصوله تكون بعده الفاظ ,,
الذي للمفرد المذكر ,,
التي للمفرد المؤنث ,,
اللذان واللّذين للمثنى المذكر,, على حسب اذا كان منصوب او مرفوع
للمثنى المؤنث اللتان واللّتين ,,
الذين لجمع المذكر ,,
اللاتي واللواتي واللائي لجمع المؤنث
وبالتوفيق عزيزتي
المشاركة الأصلية كتبت بواسطة حروف ومعاني 
الله يسلمج ويعافيج بخير وعافيه الحمدلله
انا مب متخصصه لغه عربيه بس بقولج اللي اعرفه اختي ,, وان شاء الله تستفيدين منه
الاسماء الموصوله تكون بعده الفاظ ,,
الذي للمفرد المذكر ,,
التي للمفرد المؤنث ,,
اللذان واللّذين للمثنى المذكر,, على حسب اذا كان منصوب او مرفوع
للمثنى المؤنث اللتان واللّتين ,,
الذين لجمع المذكر ,,
اللاتي واللواتي واللائي لجمع المؤنث
وبالتوفيق عزيزتي
و جاااان أستانس ،،…\حد رد علي خخ
مشكوووووووووووووورة أختي ما قصرتي ^-^
الذين اسم موصول؟؟؟؟؟؟؟؟!!!!!!!!!!!
شكله ناقص حرف اللام
المشاركة الأصلية كتبت بواسطة ThE-BeSt ان شاء الله دوم أختي ,, والعفو كلنا خوات بارك الله فيج
المشاركة الأصلية كتبت بواسطة آنسات مرحبا الغاليه ,,
اللام تحذف من الأسماء الموصوله التالية : (( الذي – التي – الذين )) وتكتب في البقيه اللي ذكرتهم في الرد السابق عزيزتي
مثال :
(( وَالَّذِينَ هُمْ لِأَمَانَاتِهِمْ وَعَهْدِهِمْ رَاعُونَ ))
وحياج اختي
مشكورة …………… ومنكم نستفيد
السلام علييكم ورحمة الله وبركاته
بنات أختي عندها مشروع علوم اطلع حالة الطقس في امارات الدولة والعين (هالاسبوع كامل)
لازم اتطلع الحرارة الصغرى المطلقة / الحرارة العظمى المطلقة/ معدل الرطوبة النسبية الصغرى /معدل الرطوبة النسبية العظمى /اتجاه الرياح/سرعة الرياح
وما عرفت من وين أطلع هالمعلومات
ممكن تساعدني لانه التسليم يوم الاحد الياي ومشكورات
الغاليه روحي صفحت الmsn الرئيسيه وبتلقين فيها لستة اسامي فوق ومن ظمنهن الويذر يعني حالة الطقس ودشي وبعدين دخلي دولة الامارات وبيعطونج حالة الطقس للاسبوع كااامل اتمنى تكوني عرفتي اي صفحه اقصد
للرفع
مشكورات خواتي ما قصرتن
..كـــــــــــل عــــام وانتو بخير..
ويلا ما وصيكم شدوا حيلكم وبيضو الويه ..
خل عنكم الشردات وسوالف القرنده خلاص يلا نبتدي بالجد
واهم شي تسونه تذاكرون اول باول وماتخلون شي يطوفكم ..
بس ها هب موضوعي انا موضعي عن اول يوم في الدراسه اكيد
كلكم رحتوا وانتو راقدين ساعتين بس لانكم متعودين ع السهر ..
بس ابي اعرف شو سويتوا في السكووول اول يوم وكشختوا عدل ولا !!!!
وزهبتوا اغراضكم قبل لا ترقدون وتعطرتوا يلا نبا نعرف كل شي بالتفصيل الممل
ولو مصورين المدرسه من برع بس نبا نجوف..
والله ايام حلوووه اليوم وانا ناشه ويا اخواني حسيت بغصه حسيت اني بصيح والله
احلى ايام العمر في المدرسه ويا الربع ..
وخصوصا يوم طفنا صوب مدرستيه خلاص تميت اصارخ اونيه ابي انزل ..
قـــــــــــــود لك..
ويلا سيرو جلدوا الكتب وحطوا الطوابع وربي حافظنكم ان شاء الله
ولا تنسووون الردود ملقوووفه وابي اعرف..
مشكووره الغاليه ع الموضوع …
للكن ما اقدر اشارك لاني ما داومت احنا دوامنا 9-9 الكمال الخاصه و لي عوده 9-9 و بقوول شو سويت…
يوم الثلاثاء بخبرج لانه مدرستي من مدارس الغد
هذا اذا بطلت الكمبيوتر لانه يومي بيخلص بسرعة
و ببدا يوم ثاني و ما اطن شي وقت ادش المسن والمنتديات
بس الله يعينا
هلا اختيه .. الله يسلمج انا اوني بروح اسجل وارد البيت وموااصله قلت الشغله مايبالها غير 10 دقايق وتفاجئني امايه فالسياره .. تقولي مااااشي داوم كااااااامل وتاخذين الكتب ومن هالسوالف … انصعقت .. كيف ؟!! وانا شكلي جيه ..؟ لا ورايحه بزنوووبه …؟؟!! انتي شوو تقووولين .. ؟؟ اجابل البنات ومدرسه يديه بهالويه .. خخخخ المهم بعد المناقشات الطويله وافقت ( اي مناقشات الله يخليييج مال غصب خخخ) ورديت البيت طبعا مب مسويه شي لاني ماعرف كيف لبسهم لبست جوتيه وسشورت القصه كنت رافعتنها وماشي وقت ومسبحه خخخ كملت .. توكلت على الله وسرت سجلت وودوني الصف فيه عشر بنات وحده مواطنه قلت هلا والله ونعم خخ .. دخلت كل وحده بتلفووونها والي ترقص والضحك واصل برع المدرسه .. قلت ونعم الرفااااق لا والله رحت فييهااا .. واتريييت اربيعتي عقب ساعه يت سجلت ويايه واتاقلمت مع الجووو وكااااانت المدرسه حلووه والحين اتريااا اربيعتي الثانيه … ونسيت اقوول انه اليهاال بتخطفوون من كل صوب وانتي تمشين ادعميين هاليهاااال والله مصخره بس فديييييييييتهم بستااانس عليهم هالسنه … 
هاي اخر سنه .. وان شاء الله تمر على خير … واسمحوووولي طوولت عليكم
وديت الكاميرا بصور لكن ولدي سوالي حفلة اصياح وشوبصور مب مستعدين ولا مرتبين الله يسامح اللي كان السبب مانظفو وماسوو حفله شرات كل سنه العرب ما لها بارظ من القرارات اليديده
اما انا…………..
ما قدرت انام بالليل لأني اتعودت ع السهر..
تقريبًا غمظت إلا اجوف اختي سارت الحمام اترييتها لين ما تطلع من الحمام …. وبعد ما تطلعت سشورت شعري كله ولبست قباظة عودة عشان اتبين ورفعت قصتي ولبست حلق عادي…
لبست ملابس المدرسة والدلاغ الفوشي والجوتي الاسبورت..
شفت قصتي ما كانت اوكي لرديت سشورتها مة ثانية لين ما ظهرت بالشكل المطلوب..
سرت المدرسة وكانت المدرسة ممزورة بنات وسرت اقرا ع البوردات وين اسمي انا كنت في سادس وسابع وثامن /3 …
إلا في تاسع وودوني تاسع ………../5..
انصعقت ورحت ادور اربيعتي التوأم.. الحمد لله انها كانت وياياه في نفس الصف…
(بس حرام فرقونا)
دشيت الصف وإلا اجوف بنات يدد وحده من راس الخيمة قهرت بي كان خاطريه افلعها بجوتيه …
سلمت جان ادقولي مالات الراس الخيمة ما يقولون سلام عليكم يقولون هاي.. جان اقلها هاي في ويهج…
ما عجبتني هالبنت … رحت ويبتلي ع طاولة حقه وحق اربيعتي … انا خرشة شوي وقفت فوق الطاولة واصارخ وازاعج فوظوية نوعا ما …هههه
سرنا استلمنا الكتب ليش ما ادز الابلة بالغلط… جان الابلة اتقول انا اعرف حركان منو …. انا ظحكت ( جكتني.)
14 كتاب مو ظلم والله حرام ولا دكتوراه رحنا البيت ع الساعة 12 ونص وناسة بس ………..
هاي هي قصتي باول يوم في المدرسة
……………………
المشاركة الأصلية كتبت بواسطة امل الورد للكن ما اقدر اشارك لاني ما داومت احنا دوامنا 9-9 الكمال الخاصه و لي عوده 9-9 و بقوول شو سويت…
يلا نترياج اداومين وتعطينا تقرير..
مشكووورة حبوبه ..
حلوووووة
حلوااااات^______________________________________^
انا عجبني الطابع اللي فيه بنيه كشتها خضرا ……تعجبني هاي الاشكال ..^^
ولو في صورة بقره يااااااااااااااااي بيكون وايد حلو^^
رووووووووووووووووعه
مشكورين
شكرا ع الطوابع !!
السلام عليكم .. شحااالكن #
لين الحين ما قررت ادخل علمي و لا ادبي صرااحه انا وااااايد محتارة ..
آبغي ادخل علمي لأن مواده أقل .. بس في نفس الوقت ابغي ادخل ادبي عشان ما فيه مواد صعبه مثل الكيمياا ..
رجااااااااااء نصحوووني !!
وعليكم السلام ورحمة الله وبركاته ,,
الحمدلله بخير ربي يعافيج ,,
شلوونج انتي عساج ع القووه ,,
العلمـي وايد سهل !!
انا خريجة علمي الحمدلله ونحن كنا اول دفعه يجربون عليها المنهج اليديد ,,
بس والله انه سهل وحلوو للي تحب الفهم مش الحفظ ,, وللي تركز ف الحصه وتراجع دوووم ,,
والحمدلله نسبنا كانت فـ 90 ,,
انتي استخيري حبيبتي وشوفي وين بتتيسر امورج ,,
لان تدرين شي بنات علمي نزلوا ادبي وماتحملوا ,, وشي بنات ادبي يوم علمي وقدروا عليه ,,
يعني يعتمد عليج ياعمريه ,,
بس انا اقولج العلمي يفتحلج مجالات وايد ف الجامعه والوظايف ,, اغلبهم يطلبون علمي ,,
وآلله يسهل عليج امرج
لو بغيتي شي انا حاضره
آختج ف الله
حبوبه صلي صلاه الاستخاره
ربي يوفقج يا الغاليه
للرفع
استخيري فديتج
وحطي في بالج ما في شيء اسمه صعب وما في شيء اسمه سهل يعني العلمي لا انه صعب ولا سهل
سهل ع اللي يذاكر
وصعب ع اللي ما يدق الكتاب
بشكل عام العلمي موب صعب << اسال مجرب ولا تسال طبيب ههههه
انا مجربة
يمكن ثاني ثانوي صعب شوي هو موب صعب بس يباله شووي
بس ثالث وايد سهل
هممم هذا بالنسبة لمناهجنا
مادري يوم بيغيرون المناهج السنة كيف بيكون
شوفي الفرق بين علمي وادبي
انه هندسة وطب المفروض ادشين علمي
غير جيه
كله واحد وما تفرق بين علمي وادبي
بس
بكل امانة
جو العلمي
ومن ناحية اخلاق البنات << يعني حياتهم موب كله لعب ومصخرة وشردات وووهيك
وجو الدراسة
وايييييييييييييييييييييييييد حلوووووووووووووووووو
ولو ذاكرتي يوميا و بذلتي جهدج
وللامتحانات اتدربي ع النماذج
كل شيء بيكون تماااااااااااااااااااااام
لا تسمعين اللي بتقولج صعب ومادري شوو
انا مجربة واعرف حياة العلمي
بس قبل كل شيء
استخيري
واتوكلي ع الله
وشوفي انتي شو اتحبين
تحفظين ولا تفهمين .!
مثلا في الادبي الفيزياء في ثالث كللله حفظ تقريبا
تعالي في علمي بس افهمي وحلي ولا اتعورين راسج وايد وفي الامتحانات اخر السنة ونص السنة ما يابو مصطلحات يعني يعتمد ع فهمج
وعن الكيمياء لوفهمتي بتعرفين اتحلين وبتمشين ^_^ ..
لا اتحاتين من هالناحية
واذا ماقدرتي ع العلمي حولي عقبها للادبي يستوي ثاني سنة اتحولين
وتقدرين تحكمين من درجاتج للمواد العلمية و من النسبة انتي ع شو اترومين اكثر
هذا اللي عندي
واي مساعدة حاضرين ^_^
والسمؤحة …
انتي شوفي نفسج ,,
اذا في المستقبل حابه تتخصصين تخصصات علميه مثل هندسه ولا طب ادخلي علمي ..
اما اذا شي ثاني في بالج ماله داعي اتعبين نفسج في المواد العلميه واخر شي يكون حالج وحال اللي داخل الادبي واحد بعد ماتتخرجين ..
الصراحه عني انا بدخل علمي و الله اسهل ..~
صباح خواتي
عيالي في مدرسة حموده بن علي النودجيه.. وخلو مادة الكومون قبل الطابور .. يعني لازم الباصات واصله الساعه 7 وعشر وهذا تعميم نازل بينهم وبين بعض
يعني نحن اولياء الامور ما نعرف ان لازم يكونون الباصات موجودين الساعه 7 وعشر لا والمشكله من باجر الكومون واليوم الباص مر على عيالي الساعه 6 وربع واللي يضحك ان حضرته راعي الباص يهرن لهم وهو ماشي يعين شاف الطالب بيشله اما ا ذا ما شافه بيسويله طاف وبيمشي عنه
وانا اول ما سمعت صوت الباص قلت حق ولد يالله حبيبي اسمع صوت وولدي كان يراجع مراجعه سريعه لان اليوم عنده امتحان وانا احب مراجعة الصبح ومعوده ولدي يراجع النقاط المهمه الصبح المهم وحضرتع راعي الباص يهرن وهو ماشي وولدي على طول بطل الباب وماشاف حد عاد يوم قال لي ماما محد الباص انا على طول سرت اتصل براعي الباص عشان اقول له ان ولدي موجود وانك استعيلت وان ولدي على طول بطل الباب بس ما شافك تعرفون شورد علي؟؟؟؟؟؟؟؟؟؟ اونه انا الحين مشيت عن البيت ووصلت المطقه الثانيه وانا لو رجعت لولدج باتأخر على المدرسه واليوم الزم اكون موجود في المدرسيه الساعه 7 وعشر ؟؟؟؟؟؟؟؟؟ !!!!!!!!!!!!! حشى حشى هذا صاروخ عنبوه توني سامعه صوت الهرن واحينه وصل المنطقه الثانيه
وقلت له انك توك ما استوى لك دقيقه وانت عند الباب
راح حضرتعه وعطاني واحد من الطلاب اومه عشان اصدقه انه ما يجذب
عاد انا رديت عالطالب قلت له حبيبي ممكن تعطيني السواق لاني انا اكلمه هو وانت ما يخصك بالسالفه
المهم عطاني السواق وقلت له احينه شو ما بترد لهم؟ قال اونه خلي اي حد يوصلهم عندي قلت له والله لو بيوصلهم عندك بوصلهم المدرسه حق شو يوصلهم عندك؟؟ قال انا ما اقدر ارجع لهم !! اهنيه انا فولت قلت له شو يعني ما بترد لهم قال خل يتريون لما اركب كل الطلاب برد لهم وبند التلفون بويهي ( انا ما احب اي حد يبند التلفون بويهي) شو يعني مادة الكومون اهم من الامتحان اللي بيقدمه ولدي اليوم والله مصخره اذا المسأله جي نحن ما نريد نسجل عيالنا في الكومون يعني هم ما يريدون يخلون الكومون بعد الحصه الاولي ولا بعد اس حصه وياخذون من وقتنه نحن لا هذا غلط وبعدين انا اللي اعرفه ان باجر بيبدأ يعني من 1/11 مش من اليوم واصلا ما خبرونا ان الباصات اليوم بتمر بدري واهنيه الطالب ينظلم وولي امر الطالب يتم عاد ياكل بعمره
صراحه واايد مصخوهه السنه وطبعا بعدين غصبا عنه رجع لعيالي واتصل فيني اونه يقولي ليش معصبه قلت له انا مش فاضيه من الصبح يتعكر مزاجي ووراي دوام واذا عندك اي كلام تكلمه في المدرسه
عاد هو فهمها اني بشتكي عليه قلت له ما انا ما اقصد بشتكي عليك
وانا اصلا والله خواتي مش المشكله بسايق الباص لا المشكله بوقت الكومون نفسه يعني احنا حابين ان عيالنا ياخذون الكومون بس هم ما يسهلون علينا
وبعدين يعني شو الحيل ؟؟؟؟؟؟؟؟
مدرسه المستقبل بدو بالكومون من بعد العيد
انتي تشوفين ولدج مستفيد بالماده كله اشوف ولدي يكتب مسائل جمع وبس
مع انه هم شارحيلي عن الكومون هي طريقه مبسطه لمعرفه حل المسائل بطريقه سريعه
كله اشوف المسائل جمع
وتصدقين من بدا دراسه الكومون اضطر اوصل بناتي من وقت للمدرسه واحيانا ايلس البنت في السياره الين
اتاكد من وصول البنات
بنات شو هو لكومون
يقولج هذا واحد ماعرف عاد من وين صيني اوياباني المهم
ولده متعبنه ما يعرف الرياضيات فكتشف طريقه يقدر يحسب فيها بسرعه
ولدي من سنتين يدرسها كله اشوفه يجمع يعطونه تقريبا 50 مسأله يحسبون كم دقيقه يقدر يخلص واحيانا اكثر
انا من باجر بيبدون بس انا في واحد وصل للضرب والثاني بعده في الجمع
بس تعرفين احس ملوا عيالي انا اللي اضغط عليهم ترى جي والا جي هم لازم يسيرون من وقت
بس لازم نحن اللي نتحرك ونتكلم عشان شغيرون موعده لان هذا التعميم مش من المدرسه هذا من الوزاره نفسها
والله صعبوا علينا كل شي بس الله يستر
ولدي يصيح يقول ليش تسجليني ربعي مو مسجلين انا مليت كله يخلونا نكتب
حتى يوم يكتب بالبيت يكسر بخاطري
ولدي انا اوصله المدرسه هذه السنه
ماعرف عن هاي الطريقة ان شاء الله اللي يعرف مابيقصر
بنات حابه اسأل ف خصم من تربيه لطلاب مدارس المواطنين اقصد خصم ف مدارس الخاصه او التربيع تدفع