التصنيف: تأخر الحمل و الإنجاب

تأخر الحمل و الإنجاب

تحليل الحمل

السلام عليكم خواتي أختكم الملقوفه والمستعيله سوت تحليل دم وطلع 5 وتحليل كلير بلو طلعلي خط خفيف أنا مسويه الترجيع من اربع ايام ساعدوني وطمنوني هل فيه حمل او لا ؟

وايد بدري مب الحين يبين بعدج اتريي اسبوعين

والله يرزقج ان شاء الله

وايد مستعيله

صبري على الاقل 12 يوم

ربي يوفقج

هلا أختي الله يطمن قلبج يارب ولا يضيع تعبج ، بس استعيلتي وايد نصيحه من مجربه لاتفكرين وايد انا كثره التفكير أجهضتني بعيد عنكم يارب

الله يرزقج بالذريه الصالحه

اختي انشغلي شوي عشان تطوي الايام حاسين فيج مجربه

ان شاء الله في حمل دام طلع خط خفيف وفي نسبة هرمون الحمل في الدم ولو ضعيفة يمكن لانو مصارلك الا ايام قليلة ويااارب تتاكدين والله يثبته …أهم شي لاتتوترين هالفترة .

كيس علي المبيض

السلام عليكم بنات عندي استفسار دورتي وايد تتأخر وبعد الكشف طلع عندي كيس علي المبيض أبي حل علشان ايروح وينزل مع لدورة مع العلم أني ثالث يوم لدورة أفيدوني الله يحفظكم ابا أجرب خلطة اتنزل لكيس

هلا أختي،،،، ما وضحتي شو نوع الكيس اللي عندج ؟؟؟؟ لانه كل كيس له علاجه في نوع ينزل مع الدورة وفي نوع بالأدوية والبعض بالجراحة …
المفروض تخبرج الدكتورة شو نوعه وشو علاجه…

هيه فديتج كيس فيه ماي وقالتلي من اتيج الدورة من اول يوم تعاليلي وانا متوهقة ماندي حد ايوديني .. فادور علاج اينزل هالكيس بالخلطات وارتاح منه

هلا اختي ……

مثل ما قالت لج الاخت …

لازم تراجعين وهي تحدد….

ما ينفع نعطيج اي خلطة بدون ما تعرفين نوعية الكيسة وشو..؟؟!

احسن حل للكيس و التكيسات نزلي وزنج
الحمدلله نزلت 7كيلو و خاز الكيس
الحمدلله

انا كان عندي كيس مائي على المبيض وماعرفت عنه شي الا يوم رحت اسوي سونار للحمل
كان حجمه كل يوم يكبر اكثر وصل لاكثر من 12 سنتي ،، وسويت عمليه :'( واللهم لك الحمد انا والبيبي بخير

لا تتجاهلين الموضوع دام انه صغير .. اعتقد بيعطونج حبوب لمدة 3 ايام من اول يوم للدورة عشان ينزل
وشربي مااااااي وايد ،، والله يسهلها عليج

يسلموووو بنات على الردود

مراكز اطفال الانابيب

السلام عليكم

خواتي بغيت اعرف عن احسن المراكز لاطفال الانابيب في الامارات ومع الاسعار

لان سمعت ان شي مراكز مبالغين فالاسعار

والله يرزق كل محروم يارب

انا بعد اريد اعرف اببببب

مركز دبي للاخصاب تكلفته 33 الف واذا عندج بطاقه ثقه تمشي واذا ريلج يشتغل ف جيش تقدرون تخلون العلاج على حسابهم ….

في مركز كونسيف اطفال الانابيب 14 الف و التلقيح المجهري 18 ألف

مستشفى توام فالعين بالمجان للاماراتيات والوافدات يدفعون بس ماعرف كم بس اعتقد مب غالي وايد

اللي تبغا تحمل وتنحف ودورتها تتنتظم حياااكن لاتقولون كذابة3في 1ادخلوا واحكموا

يابنات الامارات الغالياتحبيت افيدكم للي متأخر الحمل عنها وان شاء الله يكون فيه فايدة لكم ولنا
اول شي طبعا الصلاة والثقة الكبيرة في رب العالمين والاستغفار,وانك تعرفين إن كل تأخير ه فيهاخيرةلك حبيبتي
وثاني شي تداومين في كل دوره على الاشياء المفيدة مثل :اكل تمر مع رشاد,شرب قرفة مع قشربن قشرالقهوة,اكل عسل في ملعقة مخلوط مع حبة سوداء وقرنفل قليل على الريق وشرب ماء دافي بعدها كل هذه الخلطة في الدورة بس
اما قشر القهوة كل يوم والله لذيذ وطريقته تحطين فنجان قشر قهوه في براد القهوة وملعقة قرفه ونونخة قليل راس الملعقة وشمر بعض الناس يسمونه الحبة الحلوة ثم تخلينها تغلي وتهدين النار عليها خلال ماتغلي على نار هادية تحطين في ترمس القهوه ملعقةصغيره حليب العلب السايل اللي نحطه على الشاي,واذاماعندك حليب تحطين الحليب البودره بس تخففينه بشويت ماء ساخن وتحطين كمون مطحون بعدين تصبين القشر اللي على النار في الترمس وبالعافية تكفيك يوم كامل
ملاحضة :فيه ناس يفضلونها بدون الحليب والله فوايدها ماراح تصدقين فيها حتى تنحف من جد اتكلم
وكمان تحطين زيت زيتون دافي مع حبة سوداء وقرنفل مطحون على النار ثم تخلينها تدفا وتدهنين جسمك منطقة الخصر والضهر فيها.
بالطريقة هذه حتى البنات اللي الدورة مومنتظمة راح تتنظم سبحان الله وهي استخدامها موبس في الدوره عادي في اي وقت بس وقت الدورة يكون احسن والله مجررررربه هااي الطريقة بنفسي مو
جااايه اخدعكم لوبخدعكم كـــــــــــــــــــــــــــــــــــان بعتها عليكم لكن ابغا الاجر والدعــــــــــــــــــــــــــاااء
وكمااااااااااان السمينات لاززززززززززززم يحاولون
ينحفون اذا يبون الدورة تتنظم واذا يبون الحمل
وهذه الامورعلمها عند الله سبحانه وتعالى
ويابنات قهوة القشر والله تنحف من جد وصدق
ولاتنسونا من دعواتكم لي ولااخواني بالتوفيق والرزق الحلاااااااااااااال وشكرااااااااااااااا
انشر الموضوع تؤؤؤجر مسامحتكم اللي تبغا تنشر عاااااااااااااادي

تقبلواتحيات :

ام صِـقَــــــــــــــــــروِدُلَــــــــــــــــــــ آـ لَ
آلَشّـــــــلَآحً ــــــــــــيّ

وين نحصل قشرة القهوة

يزاج ربي كل خير

يزاج الله خير أختي

شنو هي النونخة هل لها اسم ثاني

المشاركة الأصلية كتبت بواسطة or_nahyan
يزاج الله خير أختي

تسلمين أختي

اللهم علّمنا ما ينفعنا وانفعنا بِمَا علّمتنا وزدنا علْمًا يا رب العالمين

وصفة للحمل ان شاء الله

السلام عليكم ورحمة الله وبركاته

قبل فترة كنت في بيت حرمة اعرفها ولقيت عندها وحده لأول مرة اجوفها ومن سالفة لسااالفة قالت لي قصتها مع تأخر الحمل
الحرمة ما يابت من خمس سنين وجربت كل شي بدون فايدة للعلم فحوصاتها اهيه وريلها اوكي وتقول لين يوم الله اكرمها وياآآآ لريلها بيسي عن خلطة لتأخر الحمل الرياآآآل من الفرحة راح واشترى المكونات واعطاآآآها الخلطة وتقول والله بعد شهر بس من تجربتهاآآ إلا وربي رزقها ببنوتة حلوة عسى ربي يحفظها ويقر عينها بالذرية الصالحة

فقلت بكتب لكم الخلطة وما ابا منكم الا الدعوة الحلوة خصوصا هالأيام لان في موضوع شاغل بالي عسىى ربي يكتب لي من خيره ويكفيني شره

ههههههههه ادري طولت عليكم

المكونـــــــــــات
( قرفة +حلبه+ حبة سوداء+كمون)

تاكلين من كل نوع ملعقة طبعا تكون 5 ايام من ايام الدورة
‘‘ علـــــــــــــــى الريــــــــــــــــــــق ‘‘
طبعا هالمكونات كلها طبيعية اذا ما فادت ما بضر
وعسى رب يرزقكم الذرية الصالحة يااااااااااارب

للرفع

يزاج الله خير

المشاركة الأصلية كتبت بواسطة الأصالة
يزاج الله خير

يزاج الله الف خير ياربي

يزاج الله خير

جزاج الله الف خير حبوبتي والله يكتبلج الخير وين ما كان

شو هالدم؟؟

خواتى
الشهر هذا قررت احمل باذن الله
دورتى كانت بتاريخ 3/9
ومن يومين
ينزل عليه ماده بيضا وفيها بقعه دم واضحه
ويختفي

شوه السالفه ! انا خايفه

روحي جيكي حبوبة ولا تسكتين ع نفسج …..

ماتشوفين شر بس يمكن البويضة تنغرس عندج وسوتلج عالبقعه لاتحاتين
واذا لاقدر الله وزاد عليج سيري جيكي

ماعندي فكره حبيبتي بس انشاء الله حامل ويعطيك توام ويعوضج خير طمنينا عليج الغاليه

يمكن قربة الدوره

للرفع

ويمكن بداية دورة
راجعي الدكتورة احسن

حبوب الفايتكس

مساكم الله بالخيراخواتي الكريمات
بدش في الموضوع على طول انا ابي استخدم حبوب الفايتكس والحمدلله ان شاء الله ماعندي مشاكل في الحمل بس خاطري احمل بتوام هل بامكاني استخدمها وسمعت ان فيه قوة400 وفية 500 وشهو اللي يناسبني منها؟تكفون ردو واللي ماعندها علم ترفع الموضوع

للرفع

وينكم حبايبي وين الرد

موفقه

المشاركة الأصلية كتبت بواسطة FoOo
للرفع

مشكورة حبيبتي على الرفع

المشاركة الأصلية كتبت بواسطة امونه 20
موفقه

مشكورة ياقلبي

بس والله انا زعلانه من هاالمنتدى اقصد بنات المنتدى ثاني موضوع انزلة وماحد معطيني وجه وتوني مسجلة يعني عضوة جديدة احسن لي اقلب وجهي واطلع
اهي اهي اهي

ان شاء اللي عندها فكرة تساعدج

انا اشوف ان تسالين دكتوره احسن انا اختي سالت دكتوره سوسن وما نصحتها بالتوام
والله اعلم

خير ما تداويتم به القسط والحجامه صدق رسول الله—–لتاخر الحمل

خواتي لتاخر الحمل وتنشيط التبويض وقناة فالوب والي تبي القسط كبسول وحجامة تسير عندج البيت عندي رقمهه واتمنى الكم الذرية الصالحه

الحمدلله انا هالشهر سويت حجامة وأخذ كبسولات القسط الهندي الله يرزقني وياكم بالذرية الصالحه يارب

الحجامة ماشي أنفع منها ريلي سواها لعلاج ركبته والحمدلله تعافى

ضروري حبوب الكلوميد

بنات منو استخدمت حبوب الكلوميد وعقبها ياها ويع ظهر وبطن نفس ويع الدورة
انا استخدمت الحبوب لاني اريد احمل بس موعد الدورة بعده خمسة ايام لكن فيني ويع دورة مادري ليش !!!!
الله يخليكن اللي مرت بهالشي تقولي

حسبي الله ﻻ اله اﻻ هو عليه توكلت وهو رب العرش العظيم ♡

الله يوفقج يارب

هاي اعراض الكلوميد وياليتج ماستخدمتيهن مضارهن اكثر من نفعهن
والله يرزقج ان شاء الله بالحمل

الله يرزقج بالحمل يا رب العالمين وتبشرينا

الله يرزقج حبيبتي بالذرية الصالحة

عزيزتي انا اخذته هالشهر صارت لي حراره مو طبيعيه وصرت اعرق كثثثير وانا نايمه وخاصه بليل

الله يرزقج الحمل ..
والله اخذت الكلوميد ارع اشهر خرطي ما منا فايدة ..

عملية ivm

خواتي منو منكم جربت اسوي عمليه ivm اللي تشبه عمليه أطفال الانابيب ؟ هذي تقنيه يديده في عمليه أطفال الانابيب سمعت انهم يسوونها في مركز دبي للاخصاب فياليت اللي سوتها تفيدنا من تجربتها وتخبرنا عن هالعلاج

أول مرة أسمع عنها
أكيد لها اسم ثاني بالعربي

ما اعرف اسمها بالعربي بس هيه نفس عمليه أطفال الانابيب الفرق بينهم انج ما تأخذين الإبر المنشطة يسحبون البويضات وهن صغار وعقب يكبرونهن في المختبر ويلقحونهن ويوم تستوي الاجنه يرجعونهن يعني مافيه ابر واديه غير الادويه المثبتة بعد الترجيع

أول مرة اسمع عنها

ماشاءالله اعلاج جديد أول مره اسمع عنه الله يرزقج أختي بالتوفيج

هالعملية كانو يسوونها في بلجيكا وماشاءالله في حالات نجحت عندهم وفي حالات ربي ماكتب لهم وربي يوفق الجميع  

مشكورات خواتي بس معقوله محد سواها هنيه في البلاد