تأخر الحمل و الإنجاب
هلا خواتي
عندي استفسار
انا خذت هالشهر 4 حبات الدوفاستون 4 حبات والبروجلتون فاليوم لمده 15 يوم
والحين صار لي يومين خلصتهم متى تنزل الدورة بعد ما خلصت الدوا
ممكن اعرف اذا حد عنده خلفيه
وشكرا والسموحه طولت عليكم
اهلين اختي
ما عندي فكره، بس حبيت ارفع لج الموضوع
الله يرزقنا كلنا بالذرية الصالحة يا رب
بنات للي سوو اطفال انابيب بغيت اسالكم يوم يسحبون البويضات ارجعون اللي الافضل وباجي البويضات وين اودونها لاني انا خايفه هاي بويضاتي
يعني كيف تتجدد عندي البويضات والله خلاص خذوها عني او تتكون افضل وجديده
والله انا ابي اسال هذا السؤال ومو عارفه كيف ياليت لو اتفهموني وتشرحوولي كيف لاني خايفه
ي الله بنات وينكن خبرونا تجاربكم فرجو هم اختكم وانتي اختي الله يوفقج ويرزقج الذريه الصالحه
للرفع
ربي يرزقج الذرية الصالحه
لوسمعج الدكتور بيضحك عليج
حبيبتي هم يسحبون البويضات الناضجه في هذا الشهر..لان معرووف كل شهر بويصه او اكثر تطلع
حتى لو ماخذوو منج انتي شهريا تتطلع منج بويضه واذا ماتتلقح تنزل عشكل دوره
ان شاءالله فهمتي حبوبه
بس الطريقه ماعرف بضبط..لان اسمع بس من تجارب لبنات هني
موفقة
خواتي مثل ما تشوفون من العنوان هل معالجه هذا الهرمون له علاج وبالاضافه ارتفاع هرمون الذكورة ،، وهل تعرفون ادوية طبيعيه تعدل الهرمونات عند الرجل او دكتور عنده خبره بهالسوالف واتمنى تساعدوني واتريا ردودكم
للرفع
شو اخبااارج لج وحشة شو سويتي هالفترة الله يرزقج يارب
السلام عليكم ورحمة الله وبركاته
اخواتى ياريت تساعدونى انا فى حيرة اليوم تفاجأت بنول مادة بيضاء لزجة وهيا بالعادة بتنزل فى ايام التبويض بس الشهر هاد نزلت اليوم وهو اليوم 19 من بداية الدورة هل يمكن انو يكون تبويض متأخر ولا شو
يارب ارزقنى وارزق كل اخواتى الذرية الصالحة عاجلا غير اجلا
حبيبتي أنا عندي تبويض متأخر يمكن يبدأ في اليوم 18 من الدوره
يمكن يكون تبويضج متأخر
عشان تقطعين الشك باليقين روحي الصيدليه وأطلبي اختبار التبويض وهو دقيق حبيبتي
والله يرزقج ويرزقني الذرية الصالحه المعافاه
أنا تبويضي ١٩ و ٢٠ و ٢١ من أيام الدورة لان دورتي ٣٥ يوم طويلة وااااايد
فرأيي
احتمال كبير يكون تبويض ، إذا كانت دورتج طويلة مثلي
الله يرزقج اختي 
بارك الله فيكم حبيباتى وان شاءالله يكون بميزان حسناتكم
السلام عليكم بنات
الشهر هذا استخدمت منشطات اسمها فيرتاب اول مره استخدم منشطات
وامس كان يوم 8 من الدوره واليوم 9 ومن امس حاسه بآلام تبويض وسويت اختبار فحص تبويض مال كلير بلو
طلع مافي تبويض مع اني حاسه بالألم .. هل يعني ان التبويض بعده ما بدأ ولا الجهاز مب دقيق ؟
أفيدوني بناات بلييز
عن ابن مسعود رضي اللّه تعالى عنه، قال:قال رسول اللّه صلى اللّه عليه وسلم:
"مَنْ قالَ: أسْتَغْفِرُ اللَّهَ الَّذي لا إِلهَ إِلاَّ هُوَ الحَيَّ القَيُّومَ وأتُوبُ إِليْهِ، غُفِرَتْ…
للرفع
موفقه اختي
مااعرف الغالية اول مرة اسمع عن هالحبوب إن شاء الله البنات يفيدونج ..
اللهم ارزقني وارزق كل وحدة تتمنى الحمل بالذرية الصالحة عاجلا غير آجل اللهم آمييييييين
اللهم عاملنا برحمتك
وبشر الصابريييين
اللهم إني أحمدك على كل المحامد ما علمت منها وما لم أعلم وأشكرك على كل النعم ما علمت منها وما لم أعلم.
ربي لا تذرني فردا وأنت خير الوارثييييييين 
تسلموون بنات
اللي تعرف تفيدني
اب
اب
انا سويت عملية التلقيح الصناعي عند الدكتور وليد بتاريخ /10/11 كان يوم الخميس ولله الحمد كانت غير مؤلمه وعطاني تحاميل كرنيون كمثبت أخذهم مرة باليوم وبالليل ولمده شهر كامل .
سؤالي كالآتي :
1- هل المثبت هذا جيد او كان المفروض يعطيني حبوب الدفاستون؟
2-من بعد التلقيح الصناعي كان عندي انتفاخ ف بطني وآلام في جهه اليسار من جهه البويضة الملقحه لدرجة اني ما كنت اقدر اتحرك وايد ولا ارقد وكان الالم ينزل على رجولي ومب عارفه هل هذا يعتبر جيد او لا؟
3- الالم اللي كان يصيرلي استمر من يوم التلقيح ولمدة 10 أيام بس ومن بعدها خف الانتفاخ شوي بس صار في الألم آلام دورة ف شو يعني هذا ؟
بنات ارجوكم ردوا علي المفروض اسوي فحص حمل بكره ؟
وأنا متوكله ولله الحمد على ربي
مشكورات
ربي لا تذرني فردا وانت خير الوارثين
الله يرزقج بالولد الصالح ان شاء الله
ان شاء الله البنات بيفيدونج
للرفع
المشاركة الأصلية كتبت بواسطة مونتاج 
ان شاء الله البنات بيفيدونج
للرفع
مشكورة الغالية
أمـــــــــــــــــــــــــــين الله يسمع منج يا رب
وينكم يا صبايا اللي جربت التلقيح تفيدني جزاها الله خير
ياااااااارب يسهلك الذريه الصالحه وكثري من الدعاء في هذه الايام المباركه
ان شاء الله تكوني حامل
والله يتمم لكي على خير
أختي بالنسبه للتحاميل هذه احسن واقوى من الدوفاستون
انتفاخ البطن شي طبيعي بسبب المنشطات اللي خذيتيها وخف الالم بعد مابدات يطلع تأثيرها الزايد عن حاجتج من الجسم بس كثري شرب سوائل
آلام الدوره شي طبيعي وتفائلا ممكن تكون من علامات الحمل
الغاليه دامج متوكله على الله فلاتحاتين هالاعراض البسيطه
الله يفرح قلبح بحمل ثابت سليم ويقر عينج بشوفة ضناج بصحه وعافيه
السلام عليكم ورحمة الله
بغيت رقم ممرخه تجي للبيت مااقدر اروح لها بعجمان واذا بالشارقه ماعندي مانع
وجزاكم الله خير
مرحبا
خواتي بغيت تجاربكم لان الياس بدأ يتخلل قلبي وأحس اني فاقدة التملك
مع اني متخصصة ف مجال لرفع الأمل مثل يقولون بيت النجار مخلع ..قصتي بدأ مع مرور بدايت
عنوستي زواجي تأخر كملت 35ولم اتزوج والحمد الله تزوجت وربي ماحرمني لك الحمد والشكر وطبعا بعد شبح العنوسة بدأ شبح تأخر الحمل مر أربع شهور وحملت طبعا بالمنشطات لاني كنت اخاف أكبر وما اشوف اعيالي وقدر الله شاء فعل سقط بعد شهرين ونتكست حالتي الي الحضيض ول
ومرت أكثر ست شهور وحملت ادري تقولون بعدني بس العمر خواتي المهم.دعوتهم خوات الله أالله لايحرمني من طيبت قلبكم لاني صج محطمة
أختي الغاليه تذكري انج بعد هالوقت تزوجتي والحمدللهرصار حمل ولكن قدر الله ونزل لو فكرتي منو اللي عطاج وسخر لج هالتساهيل رب رحيم بج هو القادر على رزقج كثري من الدعاء وابدا لا تبأيي من رحمته لانج جربتيه بالزواج وبالحمل اللي نزل اعرف وحده تمت لسن الاربعين وكانت شعله من الامل وربج رزقها بزوج صالح ومن شهرين يابت يوسف بعد زواج سنه اكثري من اسهل طريقه لتحقيق الامل الدعاء والله سره عجيب ربي يرزقج باللي تتمنيه وجميع المسلمات
ربي يرزقك بالذرية الصالحة
المشاركة الأصلية كتبت بواسطة مريم الفهد اختي الغالية ليش تحطمين نفسج !!!
والله اختي عمرها 40 حملت بتوم شورايج .. حبيبتي انتي ف عز شبابج .. عندج مجال الحمدلله والحين العلاج متوفر ف الدولة .. لو انتي مستعيله سوي اطفال انابيب .. وان شاء الله الله يرزقج توم اميييين
الله يرزقج بالذريه الصالحه يا رب
ما عندي غير اني ادعي لج بالذريه الصالحه
الله يرزقج حبيبتي وبعدج صغيره
خالتي ماعرست الا وعمرها 38 سنة
وتاخرت فالحمل بس الحمدلله يابت عامر ونور عليها دنيتها
خلي املج بالله قوي فديتج
السلام عليكم ورحمة الله وبركاته
اشحلكن خواتي نا متزوجه من سنتين ونص ما حملت عندي تليف واحد في عضلة الرحم حجمه 5 سم
منو كان عندها تليف وحملت بدون ازاتلته بجراحه و لو يحتاج ازاله وين اسوي في العين
ومشكورات خواتي
الله يعافيج وما تشوفين شر اختي
جربى الحجامه قبل العمليه يمكن يضمر حجمه وتحملين
لكن عموما هو ضرورى يتعالج عشان تحملين والله يشفيكى
YYYYFFFFFFFFF
اختى استعملى القسط الهندى مع الحجامه وربى يشفيج اقراى بالقوقل عن القسط وانتى تعرفين فوائده
الله يعافيج ويرزقج بالذريه الصالحه
انا بحكيلج حكايتي من البدايه لاني حااسه فيج وعاايشه وضعج واذا عندج اي استفسار انا حاااضر
انا كان عندي تليف في عضله الرحم وسويت العمليه وشلته وتوني مكمله شهر من العملية
كان حجمه ٣ سانتي عقب حملت وطيحت صار حجمه قريب ٦سانتي وبعد ماكملت سنه ونص صار حجمه ٧ وفاسبوع صار٨ سانتي عااد هنيه قلنا ستووب لازم عمليه
مكان التليف على جدار الرحم من فوق يعني صوب البطن عند السره
سرت عند كذا دكتوور كلهم قالولي ماياثر على الحمل الا اذا حملتي بيضغط على الجنين ويمكن ولاده مبكره والولاده طبعا مب طبيعيه اتكون قيصريه
تميت اراكض من دكتور لدكتور لين انصحوني بدكتور شاطر اسمه عمااد عبود فمستشفى النور خليفه فابوظبي
سرت عنده من اول ماشاف التليف قالي شليه واايد كبير وسويتها بعد اسبووع بالضبط
قالي التليف اللي في بطاانه الرحم يعني فالستنر ١٠٠٪ مسبب عقم اما التليف الخاارجي ٠٪ ماياثر على الحمل
اما التليف الخارجي اللي على جدار الرحم مافي دراسه تثبت انه ياثر او لا
فالافضل انج تشلينه*
سويت العمليه الحمدالله وافتكينا وكان هم وانزاح
العمليه كانت منظار من البطن ببنج كاامل ينفخوون البطن بغااز وسواالي اربع فتحاات فالبطن طبعا ما بتدرين بشى ابدا يعني لاتخافين
اما بعد العمليه بتحسين باويااع من الهوا اللي فجسمج وخص عند الاكتاف واتحسين ان الهوا يضغط على الجرح وبيعورج شوي
هو من يطلع الهوا من جسمج انتي بخيير يعني اذا سويتيها سويلج زعتر
وان شاء الله اكوون وضحتلج اللي تبينه
واي استفسار انا حااضر
الله يرزقنا ويااج والمحرومات بالذريه الصالحه فالقريب العاجل
مساكم الله بالنور حبيباتي
حد جرب ياخذ الكلوميد من خامس يوم الدورة..؟
وعقبها الدافستون في اليوم 16 من الدورة لمدة 10 ايام وصار حمل؟
خبروني عن تجاربكم
ولا رد
و لا دعوة في ظهر الغيب
اسمحيلي حبيبتي ماعندي فكرة
انا كنت اخذه فاليوم الثاني ولا مرة جربت فالخامس
ربي يرزقج الحمل السليم
يزاج الله خير الطرفالذبوحي ع المرور
اللهم اميين
الله يرزقج بالذرية الصالحة يا رب
انا خذته من اليوم الثاني .. الله يرزقج يارب ..
انا كنت اخذه في اليوم الثالث وما صار حمل
اخذته 4 شهور وما في فايدة سبحان الله
ربي يرزقج الحمل السليم من غير كلوميد ان شا الله