السلام عليكم ورحمة الله وبركاتــــه ،،،
أتمنـــى ننتناقـــش فـــي هذا الموضــوع ،،،
انا واااااااايد أحتاااار الصراحــــه ،،،
يعنـــــي أنا ريلـــي يداوم فــي بوظبـــي ومايرد الا كل نهاية الأسبوع ( الخميس والجمعه والسبت )
المهم وخواني وخواتي ما أشوفهم ألا كل نهاية الأسبوع ،،،،
فــ أنا دووووم أحتااااار ،،،
طبعا يوم الخميـــس ريلي يكون رااااد من الدوام على العصـــر
الجمعه يكون يوم النجمع العائلي ،،، كل أهاليتنا ( الحريم ) يتوالفون في هاليوم ،،، وأنا أبه أسير أشوف أهلـــي وبنفس الوقت أبه أتم ويا ريلي وأنا نظهر مع بعض ،،،
وساعات أحسه أنه ما يباني أسيـــر بس ما يقوووول ،،،
يوم الجمعـــه / من عقب صلاة الجمعه الكل يتجمه في بيت الوالد ربي يحفظه ويطول بعمره ،،، وعلى العصر أنا ساعات أروح عند ريلي لــين المغرب ردوا اتوالفوا فــي بيت يدي ( أم أميــه ) ليـــن الساعه 12 ،،، فــ أحس اليوم يمر وأنا ما يلست ويا ريلي ،،،
ويوم السبت يدوووب يخلص اشغاله ويروح على المغرب ،،،
أنا أللــــي أبه اعرفـــه شو بتسون لو إنكم مكانــــي ،،،
أتمنـــى ألاقـــي جوااااب منكم ،،،
انا بعد ابا اعرف لاني بكون نفس حالج فالمستقبل
الحااااال من بعضه …. و بعد مب عارفة شو اسوي .. خليها على الله
و لو انتي ما اتداومين .. سيري من الصبح ليين العصر او قبل لا ايي ريلج عشان تكونين فالبيت تستقبلينه
و لو انه بيفوتج التجمع مال اليمعه
و بيكون عندج اليمعه كاامل حقج انتي و ريلج اذا تبون تطلعون و جي
حتى لو تسوين هالشي .. اسبوع باسبوع .. يعني اسبوع تخلين الخميس لاهلج .. و اسبوع تسيرين بالجمعه عشان ما يفوتج التجمع العائلي
هلا حبيبتي
بقولج جدولي بالضبط نهاية الأسبوع
أنا طول الاسبوع أسير بيت أهلي بشكل يومي ( فاضيه )
خواتي واخواني وحريم خواني ( ما نتجمع غير يوم الخميس )
ريلي يوصل تقريبا ع المغرب .. يسير بيت اهله يسلم عليهم, وعقب يسير شوي عند ربعه
ولما أرجع البيت أخبره ويرجع معانا
يوم الجمعة ..
الظهر يكون بيت اهله يتغدى هناك .. وعقب يي عندنا, يا إنه نطلع ونسير نتمشي في إحدى الإمارات وطبعا يفوتني أحيانا التجمع .. وأحيانا نطلع نتمشى في البلاد .. وع العشاء نسير مكان التجمع المقصود
طبعا قبل كنت الخميس والجمعة مستحيل أضيعهم لازم أحضر التجمعات .. وريلي كان عادي عنده, لأنه يسير عند ربعه
بس عقب فكرت فيها أنا لين متى بتم جيه .. أفضل التجمعات ع ريلي ( رغم إنه كان مرتاح جيه ولا متضايق منا )
وقررت عقبها إن أسبوع للتجمعات وأسبوع لريلي وصار الحين أكثر الاسابيع نكون معاه ولا أحضر تجمعات الجمعة بالذات ..
وصرنا الحين نطلع كل اسبوع تقريبا مع ريلي والعيال .. عسب اليهال ما ينحرمون من أبوهم .. كفاية طول الاسبوع مب موجود ..
المشاركة الأصلية كتبت بواسطة كب كيك 
الله يعينج عيل
المشاركة الأصلية كتبت بواسطة غرتهم عيوني خليها على الله
المشاركة الأصلية كتبت بواسطة بنوتة اماراتي و لو انتي ما اتداومين .. سيري من الصبح ليين العصر او قبل لا ايي ريلج عشان تكونين فالبيت تستقبلينه
و لو انه بيفوتج التجمع مال اليمعه
و بيكون عندج اليمعه كاامل حقج انتي و ريلج اذا تبون تطلعون و جي
حتى لو تسوين هالشي .. اسبوع باسبوع .. يعني اسبوع تخلين الخميس لاهلج .. و اسبوع تسيرين بالجمعه عشان ما يفوتج التجمع العائلي
يوم الخميس محد يتجمع لانهم يكونون توهم واصلين من الدوامات وريلي يوصل على العصر يعني لازم
أكون في البيت ،،،
فكره أسبوع بإسبوع حلوة ،،، مشكوره الغاليه
المشاركة الأصلية كتبت بواسطة أم خالد الحلو بقولج جدولي بالضبط نهاية الأسبوع
أنا طول الاسبوع أسير بيت أهلي بشكل يومي ( فاضيه )
خواتي واخواني وحريم خواني ( ما نتجمع غير يوم الخميس )
ريلي يوصل تقريبا ع المغرب .. يسير بيت اهله يسلم عليهم, وعقب يسير شوي عند ربعه
ولما أرجع البيت أخبره ويرجع معانا
يوم الجمعة ..
الظهر يكون بيت اهله يتغدى هناك .. وعقب يي عندنا, يا إنه نطلع ونسير نتمشي في إحدى الإمارات وطبعا يفوتني أحيانا التجمع .. وأحيانا نطلع نتمشى في البلاد .. وع العشاء نسير مكان التجمع المقصود
طبعا قبل كنت الخميس والجمعة مستحيل أضيعهم لازم أحضر التجمعات .. وريلي كان عادي عنده, لأنه يسير عند ربعه
بس عقب فكرت فيها أنا لين متى بتم جيه .. أفضل التجمعات ع ريلي ( رغم إنه كان مرتاح جيه ولا متضايق منا )
وقررت عقبها إن أسبوع للتجمعات وأسبوع لريلي وصار الحين أكثر الاسابيع نكون معاه ولا أحضر تجمعات الجمعة بالذات ..
وصرنا الحين نطلع كل اسبوع تقريبا مع ريلي والعيال .. عسب اليهال ما ينحرمون من أبوهم .. كفاية طول الاسبوع مب موجود ..
بجرب طريقتج مشكوره غناتي
قضي يوم الخميس ويا ريلج ويوم الجمعة خلج في النهار مع ريلج ومن العصر لين الليل مع اهلج وحتي يوم السبت الصبح ممكن اتسيرون مكان حلو تفطرون مع بعض