السلام عليكم ورحمة الله وبركاته
بليييز ساعدوني مادري من وين يايب صفت الكذب مع ان ماحد من الاهل يكذب
هو عمره سنتين
كيف يكذب يصيح ويدمع ويحط ايده على راسه اونه طايح وانا اشوفه قدام عيني مافيه شي
ومره مشا قدامي شوي وطيح عمره كذب وتم يصيح كانه مقروص وماسويت له سالفه تم يضرب راسه ع الارض ويصيح
واليوم سوا حركه وصلتني حدي طاح على ضهره وتم منسدح اونه مايقدر يتحرك يرفع راسه ويطيح واونه يحاول يرفع راسه بيده ولا يقدر يقوم تم حوالي 5 دقايق وانا ساكته اشوفه اريد اعرف لوين بيوصل يوم شافني ما اهتميت قام عادي
ااااااااااااااااه وربي خانقتني العبره خايفه ماعرف شسوي
حركاته حركات الللي يريد يلفت الانتباه مع اني والله 24 ساعه عنده وكثير مهتمه فيه ودازتله ويه اكثر عن اللازم ماعندي غيره ؟؟؟
انا اللي اسويه اني اتجاهله يوم يكذب بس ساعات بكاه يجربني اسكته
ولي يخليكن اللي تعرف دكتوه نفسيه اقدر اتواصل عندها ماتبخل علي واللي تقدر تساعدني جزاها الله اللف خير
اختي شكل ولدج يبا يلفت انتباهج له و يبى مزيد من الاهتمام بدليل انه يباكي تخافين عليه او تتنفضين لما يطيح او يصير به اي اذى
حاولى تهتمين به زيادة و اتكلمي معاه كثير ترا يفهمون الكلام من عمر 6 شهور ما تقولين صغير
و خلي ابوه بالاخص يهتم فيه و يتكلم وياه و راقبيه جيدا حتى لا يطور الموضوع وياه
و الله يهديه انشاالله
بحاول اهتم فيه اكثر مشكوره اختي وربي يهديه ان شاءالله
عادي حبوبة كل الاطفال يحبون لفت الانتباه بس ولدج حبتين زيادة
اذا سوا هالحركات حاولي ما تهتمين له
لانه تعود الاهتمام له هو وبس فما يبيج تسوين اي شي غير انج تنتبهين له
الله يعين انا اليوم جربت نصيحت الاخت مبتسمه اني انبض يوم يطيح وابين له خوفي تم يوقف ويطيح يوقف ويطيح
برد اتجاهله لين اشوف حل وياه
بليز فيدوني انا خايفه تتطور حالته مع اني والله مهتمه واقعد عنده والاعبه ومدلعته بس مش فاهمه ليش يسوي هالحركات
للرفع
في هالسن احس انه يقلد حد ويبي اهتمامج طنشيه وسيري غرفه ثانيه عشان ما يعورج قلبج وان شاء الله يهدي
وها اللي يسويه ولدج مب كذب واقري عليه دوم ايه الكرسي والمعوذات الثلاث
والله المستعان