هلا خواتي عمر ولدي 3 سنوات وشهر بالظبط المشكله كل حد يعايرني كبير ويرضع بعده من مرضاعه وان غلط لازم افطمه حتا دكتوره مره استغربت مني وقالت غلط وقفيه المشكله وقت المراضيع وشريت القلاصات اللي فيها مسكتين مال عصير ماركه ايفنت وتوهقت ان الغطا يلصق فخشمه ماروم اشله مالقيت ماركات غير وقمت تخيلو اسوي الحليب نان 4 استعمل له وبدياشور اسوي فمرضاعه وعقب اخضه وعقب احطه فقلاصه اليديد معاناه اخاف لو سويت علا طول فالقلاص حار ومب زين لان بلاستيك اللي عندي ايفنت ما ايي زجاج شو ماركات تستعملون وهل اوقف حليبه اذا حطيت مراعي عادي اللي صصوب المعلبات فالجمعيه الدافي علا طول والا كيف اتم علا حليبه وكيف بيتعود تعبت مايشرب الا فليل وينش الفير مرتين بعد يبا حليب يصيح
لو قطعتيه بالتدريج وخففتي عدد الرضعات هو بنفسه بيتركه
وعوضيه بالبروتينات والفيتامينات في وجباته
وبعدين تقدرين تحطيله الحليب بقلاصات العادي أو آكواب الجاي
قوليله انته كبرت وهالسوالف
شجعيه ع هالشي وانتي لازم تكونين قويه فهالموضوع لا تتساهلين فيه
مرات الياهل ما يعرف مصلحته ودورج كأم أنج توجهينه لهالشي
بس أنتي أعلم بولدج هل هو مستعد أو لا
اذا مب مستعد عطيه وقته ولا تحاتين هالموضوع كل طفل نموه مختلف عن الثاني
عادي حبيبتي عطيه الكوبات الماق مال ميكي ماوس او شخصيات كرتونية خضيه فالمرضعة وعطيه ..
وبعد عندج حليب الفراولة مال مراعي وعطيه الحليب العادي مال مراعي ولبن اكتيفيا وجبن كيري ومع الايام ان شاءالله راااح يتعود ..وكل يوم قللي له الرضعات بشكل تدريجي ..وقوليله انا وانته راح نشرب فكوب وشجعيه عطيه الحليب بالكوب جدام التلفزيون وعطيه وانتي مستانسة
زيدي الماي في الحليب
وتمي راويه افلام ان الاطفال بعمره ما يشربون حليب
وفهميه انه لأنه ريال ما بيشرب حليب
استبدلي الحليب بحليب المراعي سخنيه وعطيه اياه دافي من الدلة
الصراحة 3 سنين ونص واااايد انه بعده ع المرضاعة
فديتهم اليهال
اذا شبعتيه و نوعتي من وجباته ما راح يطلب الحليب ابداا عالثبح ريقيه و عطيه شاي حليب ف قلاص وايلسي عنده وعلميه يشرب ويمسكه بروحه اقطعي كل الحلويات وخليه يعتمد على ٣ وجبات وبينهم سناكات انتي تطبخينها
عادي اول مرة مرتين بيكون مب متقبل الكاس العادي
وبعدين بيتعود عليها