شخباركم خواتي؟
إن شاء الله تكونون في صحة وعافية
((ولدي ويا هالحلويات))
أهوة عمره ثلاث سنوات
بس اللي حوليه مثل جده يعطيه
ويتم يمص في هالمصاص لين مايخلص
وخايفة أن يزيد هالتسوس ويضر اسنانة
– شلون أمنعه؟
– وشنو الطريقة اللي ما اخليه يصيح وتصير الحلاوة مثل الشيء الممنوع (كل ممنوع مرغوب)؟
-وشنو الحل مع أسنانة هل اوديه الدكتور؟ بيسوي لي شيء
ادري انكم ماتقصرون معاي
ويعطيكم العافية
ولاتبخلون علي بنصايحكم
ختيه لازم تعودينه على طبيب الاسنان من صغره ،مب بس عشان عنده مشكلة في أسنانه لأنه اذا وديتيه وقت المشكلة بيصير عنده ارتباط بين الالم وطبيب الاسنان ، انتي دوري طبيب أسنان للأطفال يكون يعرف كيف يتعامل وياهم ، وبيبتدي بالتنظيف مثلا وبعدين العلاج وبعد بيكلمه عن السوسه وانها عدوة له لازم يحاربها بالمعجون وان الحلويات الوايدة فيها سوسه بتدخل أسنانه ومن هالكلام .
ررررررررفع
حبيبتي لا تحاتين هذي مشكلة أغلب الأمهات مع عيالهم :
نصيحتي لج أنج أنت شبعيه بالحلويات بس متى ؟؟ يعد الريوق وبعد الغذا وبعد العشا بيكون شبعان وماله خاطر أو إذا خذها بيمصها شوي وبودرها وهذي نصيحة دكتور أطفال خبر بها أختي وأنا نفس الحال مع عيالي , وحاولي تعطينه مثلا كاكاو(كتكات +جلكسي +…..) بدل المصاصات واللبان
بخصوص تودينه الطبيب ما في داعي بس ابدي يوميا فرشي اسنانه مرتين في اليوم + بعد ما ياكل الحلاوة وربي يرضا عليه