ماعرف اذا موضوعي في القسم المناسب..
خواتي انا متخرجه من اربع سنين ومب لاقيه شغل.. والله تقريبا ماخليت مكان إلا قدمت اوراقي عندهم بس اقول الحمدلله ع كل حال. المهم قبل 6شهور اتصلوا فيني مكان مابذكر اسمه وقالولي عندج مقابله.. المهم سرت وسويت المقابله وبعدين طلبوا مني اقدم امتحان كمبيوتر وامتحان ذكاء وامتحان reading
المهم سويت هالامتحانات خلال يومين تقريبا.. بعدين اتصلت لهم اسألهم اذا بيقبلوني عندهم.. قالوا لي اتريي فتره وبنرد عليج.. المهم مااتصلوا جان انا اتصل فيهم شهر 2 قلت لهم ابا اعرف مصيري يمكن سبحان الله تطلع لي وظيفه في مكان ثاني.. قالوا لاتحاتي اختي خلاص نحن نباج.. انا بصراحه وايد استانست وسألتهم وقلت لهم اكيد يعني اذا طلعت لي وظيفه ارفضها قالي لي الحرمه هيه انتي أكيد بتشتغلين عدنا واوراقج راحت ال HR
انا بصراحه استانست وخاصه انه قالوا لي وايد سويتي اوكي في الامتحان .. المهم بشرت امي وخواتي لأنهم وايد كانوا يحاتوني.بس ماخبرت حد ثاني حتى ربيعاتي قلت يوم بتعين بخبر الكل. المهم صار ع السالف مده ماردوا علي.. تخيلوا خواتي خلال هالفتره اتصلوا فيني مكانين واحد منهم بعيد عن بيتنا وواحد يريب من بيتنا.. والله رفضتهم وقلت لهم خلاص انا لقيت شغل..
على شهر 4 اتصلت لهم مره ثانيه وقلت لهم مااتصلتوا فيني وانا رفضت وظيفتين.. قالوا لي اطمني ان شاءالله بنتصل بس الحين مشغولين.. المهم اخوي قالي عطيني رقمهم انا بتفاهم معاهم.. اتصلت مرتين ع شهر 5 وقالوا له اتريى شوي مشغولين..
اليوم الصبح قلت حق اخوي بصراحه مسخوها ليش مااتصلوا فيني .. قالي تعالي نتصل فيهم.. تخيلوا اول مادق اخوي قعد يرمس وحده اول مره نكلمها وقال لها اختي من متى تتريا مارديتوا عليها وصار عالسالفه 6 شهور..المهم قالت تبى تكلمني .. كلمتها جان تقولي اسمحيلي اختي احنا قبلنا اوراقج وكل شي بس الحين توقفت اوراقج .. قلت لها شو السبب قالت ماأدري من الاداره.. قلت لها حرام عليكم ليش ماخبرتوني قالت لي اسمحيلنا لأنه ماقلنالج.. قلت لها تعرفون انه رفض وظيفتين والسبه انتوا قالت لي انزين ردي اتصلي عليهم وشوفي اذا عيينوا حد غيرج او يبونج انتي.. قلت لها ع العموم يزاج الله خير والله كريم..
والله من بعد ماسكرت التيلفون قعدت اصيح من الخاطر.. حسبي الله ونعم الوكيل حرام عليهم ليش مااتصلوا فيني يقولون لي خلاص مانباج.. اخوي يوم شافني متضايقه قال والله باجر بتصل فيهم وبكلم المسئول العود .. بس انا حلفت عليه مايتصل وقلت الله موجود.. المهم اتصلت في المكان اللي كانوا يبوني بس عينوا وحده..
بنات والله العظيم انتي وايد متضايقه ليش عطوني امل اني بشتغل..والله كل ماأتذكر السالفه اقعد اصيح
خواتي لو كنتوا مكانوا شو بتسوون؟؟
حبيبتي انتي من البدايه غلطتي دام ان مكانين اتصلوا بج جان وافقتي وانتي تقولين تأخروا عليج المفروض تسيرين وتسوين المقابله وعقب عاد المكان اللي يبيج بيوظفج … المهم دام ان كل شي صار خلاص خلي اخوج يسير لهم ويكلمهم يمكن يستحوون على ويهم وويظفونج وياهم …
السلام عليكم ورحمة الله وبركاته،،
غاليتي عليكِ بكثرة الاستغفار (فقلت استغفروا ربكم إنه كان غفارا * يرسل السماء عليكم مدرارا * ويمددكم بأموال وبنين)
وقيام الليل وقراءة سورة البقره واصبري وبإذن ستنالين مبتغاكِ،،
وكوني على يقين إن كان لك رزق فستحصلين عليه قريبا او بعيدا ولن يسبقك إليه أحد،،
اللهم فرج كرب وهم أختي في الله ويسر امورها وأغدق عليها النعم ظاهرة وباطنه يارب العالمين عاجلا غير آجل،،
والسلام عليكم ورحمة الله وبركاته وصلى الله على خير البشر محمد بن عبدالله عليه افضل الصلاة واتم التسليم،..
الخيره فيما اختاره الله.
قدمي اوراقج في مكان ثاني والله ان شاء الله بيوفقج.
الصبر زين ويمكن الله يرزقج في مكان وايد تستانسين فيه وتلاقين فيه راحتج.. ادعي ربج والله بيفقج.
شي يقهر الله يرزقج ويرزقني بالشغل اللي نتمناه
يمكن خيره لج افتكيتي من الشغل عندهم لاتحبوا شي وهو شرا لكم
استخير دوووووووووووم
صدق حسبي الله عليهم
كل شي بالواسطه شو ها الدنيا استوت فوضى
الله يعوضج يارب بوظيفه احسن من هالوظيفه
وصدق قهر وغصه .. بس ان شاء الله بتتوظفين ف مكان احسن