بدايتي من يوم كنت صغيرة … يعني بالثلاث تعش … من حين بلغت وأنا أحلم بالحب والزواج تخيلوا مع ان ابوي وامي متدينين ….. بس من هذا السن وانا أقرا كتب الشعر والقصص الغرامية … ولا يا الليل بس يلست أحلم بالعرس وبالريال اللي بس يغرقني بالحب ولا حد ماتخرجت وانا على هذا الوضع ليمن توظفت وخواتي كلهم تزوجو …… وما بقى احد الا أنا .. مع اني مزيونة ….. بس تعرفون النصيب بيده سبحانه … المهم صديقاتي اللي بسني كلهم اللي مخطوبة واللي متملكة واللي متزوجة ….. وأنا اتحامل على نفسي وابين انه عادي الوضع ….. المهم أهلي بعد فترة قررو انهم يغيرون مكان سكنهم …. ونقلنا …. وسبحان الله ….. من يوم ما نقلنا والعرسان بدو يطقون بابنا …….. بس تعرفون اللي متزوج واللي مطلق …….. واللي على قد حالة ……..وحنا ناس مبسوطين …. وانا كنت بسن الثلاث والعشرين .. من يوم ما نقلنا ……… لكن سبحان الله ماحد يانا زين وينقبل …….وصبر وصبرت وانا مقهورة لحد ما صار عمري سبع وعشرين ……. ويانا واحد زين ومن حمولة … ووافقت علية وتملكت وبديت اجهز لعرسي …… الا صارت مشاكل بينه وبين اهلي وأفترقنا ……….. وبجيت بجي ما عمري في حياتي بجيته …….. وحسيت ان اهلي ظلموه ……….. بس همن نصيب …
وقامو هلي يسلوني اللي يسافربي واللي يهديني لأنهم عارفين انهم غلطانين ……….. بس هاذيج السالفة عيزت انساها ومن كثر مااثرت فيني مرضت …… ويلست اتعالج والحمدلله طبت
بعدها بجم شهر الا واحد من معارف أخوي مبسوط وغني وعنده شركة عوده يا وخطبني …. بس متزوج وعنده يهال …….. وامي كانت ماتبغى تزوجني واحد متزوج ……. بس أخواني قعدو يقنعون امي بالموافقة وهمن انا كنت مترددة ……. بس بالأخير وافقت أكمل شوي
لا حد يرد صبرو شوي
يلا الغاليه كملي قصتج انا متشوقه
بعد ما وافقت ……… تمت الملكة ………. وبعدها الزواج …….. وقامت حرمته الأولى وزعلت عليه ورمت عيالة وتبهذلوا …….. ويت عندنا ومسحت بكرامتنا البلاط ………. وكل يوم تتصل علينا وتسبسبنا …….. المهم تزوجنا وحرمته على هذا الوضع ……… بس ما نتلاقى انا وهي الا ويطلع الشيطان براسها وتقوم تسبسبني انا واهلي وانا ما ارد عليها …. وزوجي ما قصر كان يدافع عني لدرجة مرات كان ناوي يطقها قدام اهله من كثر ما تحوسنا لأجتمعنا …….. بعدها صرت احاول ما اتلاقى انا وياها الا بعد جم شهر …… بس بصراحة زوجي حبني بجنون يوم شاف كيف انا اعمل مرته ولا ارد عليها واسفهها وزاد كرهه لها …….. لأنها طول اليوم على كلامه قايمة قاعده تصيح بويهه
وتقوله ليه تزوجت علي وهو كان متزوج عليها من كثر ما تتهاوش وياه وياهله وخواته …….
فيقولي كرهتها وكنت ناوي اطلقها بس علشان عيالها تركتها حتى خوات ريلي صارو يحبوني وهي انقهرت ,,,,,,, لأنها عارفتهم ما يحبونها …… خوات ريلي كانو يقولون عن قصص تصير لهم معها ما حد يصدقها …..
المهم ……. انا حملت وولدت وهي وريلي على هذا الوضع من المشاكل اللي ما لها اول من تالي …
بس ريلي والله ما قصر كان يمشيني ومبسطني ومو مقصر معي …… بس مهما كان مو لي انا لحالي فيه شريجة معي ……. وبصراحة كنت أغار مع اني اعرف انه ما يحبها ……. وكنت عايشه بصراع نفسي رهيب ,,,,, لأن شريجتي من كثر ماتسوي عفسه وهواش حسستني اني غلطانه ……
بس ماكنت ابين لريلي ……. وكنت أحاول اعوضه لمن يجيني بالحب والحركات اللي تيننه وتخلي راسه يفتر ……. لحد ما حسيت اني سيطرت عليه وصرت كل ما اطلب منه شي الا وينفذه ….
اما هي لا ……. بس كانت نقطة ضعفه عياله …… وكان مو مقصر معهم …..
ما يبون شي الا وييبه لهم ……
المهم انا حملت وولدت لحد مايبت له ثلاثة يهال ………
أكمل لكم باجر …….
تصبحون على خير
نترياااااا التكملة يااااريت يا الغلا
لا تقطعيين وااايد في الحلقاااااااااات خليهم فيااا بعض
نترياااااا التكملة
بس وحاولت اتقرب لعيالها ولها لكن عيزت ………. فصرت اتعامل معهم …… وكأني غريبة عليهم
وقمت ابتعد عنهم ……. وعشت حياتي المهم …….. كل ما راح لها أحس بغصة بحلقي وتكون تعبانة نفسيتي
لأني انقهر يومني اشوف رفيجاتي ,,,,,,,,, بالعزايم والزواجات معهم ريايلهم الا انا وحيدة ….لأنه مويومي ……. ومتزينه ومتكشخة وهو مادرى عني ………
صحيح يحبني ….. بس انحرمت من اشياء كثيرة كنت أسافر ويا هلي ……. أما بعد ماتزوجت لا
صح كان يمشيني داخل الديرة ……..لأنه ما يبغى يزعل زوجته ……. وكل ما يبت له سيرة السفر وودي زي اول اروح انا وياه يقوم يغير السالفة ……
فأقوله طيب خلني اروح مع اهلي يقوم يرد علي انه ما يقدر يستغني يعني ….. ويخاف علي
المهم …….. اني كنت اتضايق من عدم وجودة معي يكثير من المواقف ….. لعشان مو يومي وكنت ماانام من البجي ….واحيانا ازعل واقوله يقوم يزعلني ويقولي مهما كان انا عندي بيت ثاني ….
بس صرت على هذا الوضع ….طول ايامي معه مع اني حبيته موت …….
وبعد فتره صار يتعب …….. بس كان على خفيف …… وما كنت عارفة وش فيه وكان يتحامل على نفسة لحد ما جته سكته قلبية وقعد منوم بالمستشفى كمن يوم ……وبعدها عطاكم عمره …..
صراحة في الأول بغيت اتينن …… وخاصة ان عيالي مرة متعلقين بابوهم …… فخفت عليهم … بس انا بعد مرور الشهر الأول ……بديت احس بالوضع جنه عادي ….. وبعدها صرت احس بأحساس غريب
صرت انام احسن من اول …….. وصرت احس براحة نفسية عمري ما عشتها طول فترة زواجي بالمرحوم ……. وعرفت ان سبب ها الشي هو زواجي من واحد متزوج
وبس والى الأن لي كم شهر على موته احس بحياة يديدة غير اول ……… والله يخلي لي عيالي