ياترى عادي عندج ولا ؟؟؟

سؤالي: ترضين ان ريلج يتزوج عليج ولا ؟؟؟؟

أنا عن نفسي يمكن أكثريتكن يعرفني من قصتي اللي نشرتها جريدة الامارات اليوم،،، أنا عادي عندي ريلي ياخذ وحده ثانية تدرون ليش ،، لأنه عندي ثقة كبيره بنفسي زرعوها فيني أهلي،،، مشكلتي أني واثقة وايد من نفسي،،، وتعلمت أني أحب نفسي قبل أي شي،،،، ومهما دار وشاف ماراح يلقى مثلي … ومايعنيلي شي اذا تزوج عليه وحده ثانيه لأنه المثل يقول جرب غيري تعرف قديري،،، لا ولو سألتوا أي زوج عمره مايقدر ينسى زوجته الأولى ،،،،،،

وبطاقة حب أهديها لكل زوجه أولى تزوج عليها ريلها ،، عزيزتي فري الهموم وراء ظهرج ،،، وعيشي حياتج وابدعي ولاتفكرين في اللي استوا خلاص دامنه ستوا،، وصدقيني بي اليوم اللي يتعجب فيه ريلج من عدم انكسارج ،،، وتقوقعج في الكآبه،،، الجمال تندثر ملامحه بالكبر،،،، لكن شموع الحياه ،،، عيالي اللي عطيتهم حناني هم اللي بينورولي حياتي ،،، الزوج للأسف مغريات بنات السوء فوق احتمال أي ريال وانوه "ان كيدهن عظيم" عمرها دموعي ماتنزل ألا على اللي عزني وماجد قصر في حقي أما اللي يجرحني فالله وياه ،،،

كلمه أخيره لاتنسن أن الزوج يلف ويلف ويلف لكن نقطة الرجوع تكون لبيته ومرته وعياله…

تحياتي

المنى

الله يسعد أيامج ويجعلج دوم من الصابرين يارب العالمين…

انا ارفض حتى فكرة انه ريلي يتزوج عليه او حتى يغاااااااااازل

و هو و لله الحمد ( فاهم الدرس ) خخخخخخخخ

عني انا ,,, مستحييييييييل ارضى ويمكن اتييني سكته لا سمح الله .. الناس يختلفون فيه ناس فيهم صبر وقوة تحمل .. انا من الاشخاص اللي ما اتحمل ونفسيتي تتأثر ووايد و وسواسيه .. مستحيل بتحمل هالصدمه الكبيره … الله يبعدنا عنها ان شاء الله ..

مشاء الله عليج

حلو الثقه بالنفس وحلو ان تكون الحرمه قويه جدا أمام أصعب موقف ع المرأة أن تتحمله

والله لايجعل لاي وحده فينا ضرة

وإنشاء الله ربي يكون في عون اللي تعاني من هالأمر المر

أنا قبلت فيه بعد ما حبيته وفهمت ظروفه وتحملت علشانه الويل والضيم والكلام الناقص كله

بس لو سواها وراح حتى لطليقته موب وحدة يديدة أحس ما فيني حيل أتحمل وبيخسرني

أكيد ما بموت بس ما بستمر وياه

مدام أوفى البشر يخون كيف بثق بالباقين