السلام عليكم ورحمة الله وبركاته
شحالكن خواتي؟عساكن بخير..
بما انج حامل ومقبله ع الولاده اتفكرين فالأشياء اللي بتاخذينها لج وللبيبي..
شي حريم مايشتغلن فلازم بو الشباب يجهز لها ظرف ويحط فيه بيزات تجهيزات البيبي وتجهيزاتها..
مش معقوله على كل طلعه بتطلبين منه بيزات عسب الأغراض..
شي حريم رياييلهن شرات اللزقه ههههه مايفجن..يعني كل ماظهرت بتاخذ اغراض لها وللبيبي هو زاخنها من ايدها ويسحبها للمكان اللي تبيه..طبعا لازم يقرقش مخابيه ويدفع بدالها..اممم سبحان الله تظهر البيزات ماتكفي انزين لازم اتقوليله كم بتصرفين عسب ياخذ احتياطه..
اممم شي حريم يشتغلن ويساعدن رياييلهن..طبعا هالحرمه منو قدها عندها بيزات وتاخذ اللي تبي بدون ماتحاتي>>الله يرزقها من فضله ويزيدها..
واذا محتايه وكانت تبغي زود ريلها يساعدها ومايقصر..
شي حريم حمل بس الله يعلم بحالهن..ناس فقاره وع قد حالها..
ماتقدر تطلب كل شي..ومب كل شي اتحصله..
تيمع الفلس من بداية الحمل عسب تقدر اتوفر لها اللي محتايتنه..
وشي من الحريم يلعبن بالبيزات لعب ومايهتمن لشي..الله غاننهم بس مايقدرون النعمه..
خبروني انتو شو من الأنواع؟
كم تصرفين لتجهيزات النفاس وتجهيزات البيبي؟
واذا كنتي حاطه فبالج اتيمعين ولاتطلبين من ريلج يعطيج كم المبلغ كله اللي بتطلبينه لتجهيزات البيبي وتجهيزاتج؟
شو حاطه فبالج تشترين؟واذكري كل غرض والسعر اللي خمنتيه..
ان شاء الله الكل يستفيد..وتفيدون الحمل بالبجر>>مثلي يعني ^_^
انا بصراحه عطاني ريلي 10 الاف غير الي كان عندي تقريبا خمس الاف وبعدني ابا زووود لانها اول فرحه لي وبغيت كل شي مميز ؟؟؟
عني انا
مافكر ابطر سواء اول بيبي ولا غيره وسبحان الله كل مولود يجي برزقه
ماشتري واااااااااااايد لان اول الايام البيبي يتغير نموه ومن غير الهدااايا اللي بتوووصله
يعني ماابذر واااااااااااايد لانه حرام
ماحطيت ميزانية معينة بس هو يعرف اللي عليه خخخخخخخ
يعني جلابيات الحمال روحها
تجهيزات البيبي روحها من الالف الى الياء
والشغلات اللي تكلف المنز والعربانه ولا الباقي مقدور عليه
وعقب جلابيات الربا
ولوازم الاستقبال في البيت وسوالم
بس ابدا انا ضد الاسراف بجر ولا العاشر كلنا فرحانين والله يتمم لنا على خير ان شاء الله
اي مكان اروحه ريلي معاي ^^ اصلا مااروح اتسوق بدونه انا اختار وهو يدفع ربي يحفظه ويزيده من الخير
مممم أنا اشتعل إلحمدلله وراتبي أعلى من راتب ريلي
بس أكيد بتكون فيه مشاركه بينا بس أنا ماحب أضغط على ريلي واتطلب خخخخ هو ما يقصر ويائ
بس أكيد الميزانيه بتكون زينه
أنا أحب أفضل كل شيء يديد وملابس البيبي وأغراضه معروفه ما بأخذ أغراضه بخبال
لأني مب أول مرة أربي وأعرف الياهل يكبر بسرعه بأخذ الأشياء المهمة له في أول فترة
المنز شيء أساسي واذا عيبني وكان عملي ما بستخسر فيه أي سعر المهم يكد عندي الين يكمل البيبي سنه
خخخخخ أقول جي عقب ارقدهم عدالي خخخخخخ
المهم أما ترتيبات المستشفى من توزيعات وغيرة ممممم ماعرف الحين بفكر فيها عقب
مم والله هذا ثاني ياهل لي وبجري لاكنت اعرف توزيعات ولا غيره
اهم شي الفوالة وفصلت لي جلابيات ؟؟
وطبعا فصلت جلابيات كلها وشغل ومالبستهم غير لبسه وعطيتهم غيري
هالمره حابه جلابيات خفاف شغل خفيف … مع شيل البيت طبعا
ممم والتوزيعات متفقه انا وريلي هو يسوي السي ديات وانا الغلاف …
يعني السي دي فيه قرآن ومن فوق السي دي دعاء للحين ما اخترته
ممم قلت بعد بسوي توزيعات المني كيف من فواله الحبة ب 6 دراهم وفوق صندوق المني كيك يحط شريطه تدل انه بنت ..
ممم جهزت للبيبي تقريبا لكنك باقي اعدل غرفه البيبي طبعا مع المنز وغيره ..
يعني بالاخير مصرووووووووووف البيبي وتجهيزات النفاااااااااااس ما تخلص هههههه