قريتو الموضوع من عنوانه ساعدوني !!!!!!
فديتكم الغاليات ابا هديه حق زوجي بس ما عندي افكار يديده اباه يتينن يوم يشوف الهديه فياريت المساعده منكم لا اطنشوني يوم ميلاده قرب ومب عارفه شو اهديه
دام الجو بارد ليش ما تاخذيله جاكيت ماركة.
تبينه يتيينن خذيله سيااااااااااااااره
شوفي يالغلا على حسب ريلج ..
انا بعطيج افكاار وانتي اختاري للي يريحج . والبنات بعد مابيقصرن ويااج بأفكارهن .. ^___^
** تاخذين له نوكياا اليديد 95 سبايدر …
** مجموعه من العطور للي يفضلهاا ريلج .. يعني فيه شباب يحبون الفرنسيه اكثر من قوم العود ( مجموعه شمس كلها قوم الدهن العوود او تاخذين له عطر الشيوخ جيه اضن اسمه روووعه كل الشباب للي يحبون الدهن العود يستخدمونه )…
** تفصلين له كنادير مع غترهن ..
** تااخذين له مجموعه من الهديااا .. امممم يعني ادوات الحلاقه وبدله سبورت مع نظاره شمسيه مع مجموعه كريمات من ( بدي شوب بالنكه للي يحبها ريلج )
** سااعه تكون قوم الكشخه ..
** او هديه بسيطه وتعزمينه على عشااء بمطعم راقي …وتسوون جلست صراحه يعني كل واحد منكم يطلع للي في خاطره وجيه …
وانا اقترح عليج فكره فديتج انا سويتهاا لخطيبي احم احم …(( انج تروحين محل للي يعدلون الهدياا وتشلين الهديه للي تختارينهاا ويعدلونهاا طبعا وتعطيهم رقم ريلج واسمه ويتصلون عليه بالوقت للي انتي تبينه ويخبرونه انه شي له وايي يستلمهاا .. وجيه بتكون المفاجأة حلووه طبعا مع باقه ورد وجيه وعليها البطاقه باسمج ويوقع عليهااا ….واناا اشتريت بعد دبدووب عوووود وااايد وركبت وياهاا النفافيخ للي يطيرن ..))) <<< اذا انتي من العين بعطيج اسماء المحلات ..
والسموحه منج يالغلا …
مشكورين فديتكن عالافكار
وتسلمين يا نووف على افكارج الحلوة بصراحه انا تيننت مب ريلي افكارج عجيبه
ممكن تحجزين لج زله رحلة للعمرة في الويكند .. بتستانسون اثنيناتكم
سمحيلي أقول أن عيد الميلاد بدعة