السلام عليكم ورحمه الله وبركاته
شحالكن خواتي
اليوم يايبتلكن موضوع انا وربيعتي مختلفات عليه وابا رايكن فالموضوع
" كثره الزعل " بين الحبايب او الازواج او اي كان والزعل اللي يطول اكثر عن يوم يعني تمين اكثر عن يوم زعلانه من شخص ومايمر اسبوع الا وفيه ضرايب
هل تعتقدين انه كثره الزعل دليل على الحب ام العكس وليش
اختكم
كل شي يزيد عن حده ينقلب ضده..
الزعل بالخفيف يزيد الحب والشوق بين الاثنين بس لو ماده البوووووز كل يوم وعلى كل شي زعلتي والله بيطفر الريال منج وبيدور له مكان ثاني للراحه..كل شي له حدود والزعل له حدود
اممم الحيااه اللي دووم فيها الزعل هب حلووه هذا جحيم
الواد يتمنا اته يكون مستأنس وبعيد عن زعل وخااصه عند اللي يحبه
بس اذا كان الزعل يستاهل من حقي ازعل بس ما تم طووول الوقت مبوزه00 الزعل من الزعل
والسموحه
والعبقرية اللي بتقول شو هي قاعدة ال 24.. !!!!!!
شو هاي قاعدة ال24 يالله قوووووووووووووولي ياااااني فضوووووووووول خخخخخخ
بصراحه لأ ,,
كثرة الزعل بدون سبب او باسباب سخيفه مب اوكي يعني ابدن ماشي فايده منه بالتالي مابنقدر نأثر على الشخص الي مختلفين معاه ’’
بعطيج مثال : الحين لو انتي على اي شي اتصيحين حساسه وايد ومثلا ريلج طفر كل يوم بيراضيج وانتي نفس ما انتي اتصيحين على اسخف سبب خلاص بيطفر بيه يوووم ولا حتى بيراضيج ,,
الزعل نفس الشي ومثل مالكل يعرف ( كل شي يزيد عن حده ,, ينقلب ضده )
قاعدة ال24 يعني الزعل مايطول اكثر عن يوم
اليوم=24 ساعه
معاج حق اختي بس مش دايما