خواتي انا مسجله ولدي في روضه السندس وهاي أول سنه حقه ..
عاد ما أعرف اي شي عن نظامهم ابداا ..
ياليت تفيدوني متى نستلم الملابس ( الزي الرسمي ) و كيف أعرف موعد التسليم ؟؟
أنا دافعه الرسوم كااامل الأكل والمواصلات واللبس بس التسليم ما اعرف عنه ؟؟
و هل صح انه الطفل ما يشيل وياه أي شي ابدااا لا شنطه ولا اكل ولا اي شي ابداا ؟؟
ياليت لو حد مجرب هالروضه يخبرني ..
للعلم الروضه تابعه لمؤسسه اليونسكو العالميه وأذكر اني سألت مشرفه هناك عن الأشياء اللي اييبها الطفل قالت لي لبسيه ثيابه وركبيه الباص وبدون اي شي !!!
ياليت تفيدوني ….
ويعطيكم العافيه ..
مرحبا الغالية الملابس تستلمينهم من المدرسة الصناعية اللي مقابل المرور القديم في الشارقة وموجودين العصر من الساعة 5 الين 8 المساء ولازم تودين ايصال الدفع وياج والولد علشان القياس وبالتوفيق حبوبة..
انزين الغاليه اسمحيلي بس ما تعرفين لين متى مفتوح المجال ؟؟ لين لأي تاريخ اقدر اسير ؟؟
و بعدين غريبه محد خبرني عن الموعد ؟؟؟ والمدرسه الصناعيه هاي وين بالضبط ؟؟ ادل المرور الجديم بس ما ادل المدرسه ؟؟؟ شو مكتوب عليها بالضبط ؟؟؟ وفي اي منطقه ؟؟
و تسلمين الغاليه على الرد ..
والله انا حتى الايصال ما ادري وين حطيته !!!! خخخخخ
؟؟؟؟؟؟؟؟؟؟؟؟؟؟؟؟؟؟؟؟؟؟
مرحبا ختيه
انا عن نفسي في بوظبي
وبنتي بتدش اول روضة
واول واحد من عيالي ادخله حكومي … وفي بوظبي
قبل كنت ادخلهم خاص وفالعين
وبصراحه قالولي بتستلمين اللبس عقب
وقالولي اتصلبهم تاريخ 23 – 8 –
وما ادري اذا انتوا نفس النظام بعد
اتصلي فالروضة وبيعطوج التفاصيل ان شاء الله
وبالتوفييييييييييييييييييييج
المشكله اختي انه محد يرد في الروضه كلهم في اجازه احين ؟؟
ما ادري شو الحل ؟؟
بس بتصل في المدرسه الصناعيه وبشوف شو يقولون ؟؟
و تسلمون على الرد عزيزاتي ..
متى يبدأ دوام الروضة الحكومية ؟
وهل يقبلون عيال الخليجيين ؟
داشة عرض بس أكيد بتفيدوني
شكرا