خواتي ،،،،،
عندي سؤال محيرني بصراحة ،،،،، ومب محصلة له إجابة…….
الشغالة اللي أتييبونها فالبيت من المفروووووووض يكون مسؤول عنها؟؟؟؟
يعني المفروض منو الزوج والا الزوجة؟؟؟
أظن الكل بيقول الزوجة ……. لكن ريلي يقول العكس!!!!!!!
يعني ريلي يدخل فكل صغيرة وكبيرة بخصوص الشغالة،،،، حتى تعليمي لها وتدريبا على شغل البيت وأموره يدخل ويقول لها لا سوي جيه وجيه….
يوم اقول له الزوجة هي اللي تتفاهم مع الشغالة يعترض…..
يعني حابة اعرف شو دور الزوج وفشا يدخل بأمور الشغالة؟؟؟؟؟
وشو دور الزوجة؟
>>>>>>>
يا كثر مايبت شغالات وروحن عسبت تدخل زوجي الدااااايم….
فشو الصح!!!!! شوروا علي
ما عندي شغالة لذا ما أعرف
في ريايل يحبون يدخلون في كل شي حتى اتفه الامور وتلقين هاي النوعيه عصبية نوعا ما ومب عليها من حد ويسون الي براسهم وعادي موضوع صغير يوصلها لمشكلة كبيرة
لا تتجادلي وياه وتعاليله بالعقل والمنطق لان الشدة ما تفيد وياهم بس انتي اقنعيه بالعقل
مثلا قوليله انا ادري انك انت المسؤل عنا وانت ابونا بس شغلت الخدامات لازم تكون اكبر منها يعني انت تكون للحالات الطارئة يعني للكبيرة نذخرك مش على توافه الامور
قوليها بالطيب وبابتسامة وبروح مرحة ولا تتشادين وياه على هالمواضيع
صدقيني بيتقبل
من راي الزوجه أكيد
انا اقول الوحده اتعيش في هذا الزمان دون خدامه احسن لايدخل الريال ولاتعون اسكن مامنهن فايده من زود نظافتهن انا عفتهن اترياء اربي وان شاء الله بفتك من بشكارتي
نفس الحال بس الحين شاده وحازمه معاه ..
هو شو اللي يكره فالخدم ريحتهن واذا اطبخن ماياكل انا الحين اللي اطبخ بس هي عليها تنظيف البيت
المهم انتي خلي الخدامه بعيد عن زوجج يعني تنظف البيت بعيد عن عيونه ماعنده شغل معور راسه وراسج الله يكون فعونج
الصراحه انا في هالامور عصبيه ولو شو مابغيه يدخل شو مب عاجبنه كيفه الخدامه هو يايبنها لراحتي يبا راحتي يطلب مني هب من الخدامه فانتي شوفي طلباته وقولي له الخدامه تحت تصرفي انا مب عاجبنك لاتدخل هي حرمه مثلي مب ريال تتحكم في شغلها
الزوجه المسوؤله فقط
الزوج ماايخلى حق اشغاله
فالنهايه اشغاله حرمه ليش اتخلى عالزوج
ليش اتحطون الزيت جنب النار