السلام عليكم ،،
عندي مشكلة اعرضها لكم وآملة اني احصل لها حل ….
هي المشكلة مب حاصلة لي انا … حاصلة لشاب من اهلنا ،، فحبيت ادورله حل عندكم ،،
الله يسلمكم هو يوم كان صغير كان ما شاء الله عليه شعره حلو وناعم … بس وهو صغير مادري كمن سنة عطوه دوا بالغلط المفروض كان يكون حق الربو مادري الازمه بس عطوه شي بالغلط ،، ومن عقبها كل ما يكبر شعره بدى يخشن .. مع هالشي مب وراثة ولا شي من عايلته بالعكس الكل في عايلته شعره حلو وناعم ،، بس هو شعره مب طايع ينعم ،، حتى حاول ايطوله شوي ويسويله كل شي بعده مستمر في الخشونه وكل ما يخفه على رقم 1 ولا 2 يرد يطول يخشن زياده يعني تقريبا ممكن اتقولون انه ينغز ،،،
فالحين نبى نحصل حل نقدر فيه انعم شعره وهالخشونه تروح عنه على طول …
فهل حد عنده حل ؟!؟!
طبعا غير سوالف التمليس وهالخربطان نبى شي طبيعي ولا زيت ولا اي شي يعني ينعم شعره ..
بانتظاركم ..
والسموحة
ربنا يساعده
أولاً الله المستعان ، أنا في نظري أنه بما إنه شاب مش بنت يعني مش مشكله لو كان شعره خشن ، يقصه قصير دايماً و يتفنن فيه على قصره يعني يخلي شويّة غره من قدام أو يحط جل و غيره و غيره لأني ما أؤمن إنه في شيء ينعم الشعر الخشن، هاي وجهة نظري و السموحه:22 (4):
اختي المشكلة انه يوم يقصه قصير يكون خشن اكثر عن ما يكون طويل ،،،
فيوم يطوله شوي احسن ،،، المشكلة ما تكمن انه شاب وعادي يكون شعره خشن ،،
المشكلة انه يضااايق من هالشي … يعني هو نفسيا ،، يوم يرقد يتلعوز شعره ينغزه ،،
وبعد اتعرفين كل واحد يتمنى يكون شعره شوي ناعم وينلمس ،، مب لهالدرجه ،،،
فحابه اساعده ولو بشي بسيط ….
ان شاء الله بس احصل حد يساعدني ..
مرحبا اختيه
انتو اتاكدتو انه السبب الدوا ؟؟
:::::::::::::::
واايدين في صغرهم شعرهم اشقر وناعم ومن يبلغون يتغير سبحان الله يستوي اسود ويخشن
::::::::::::::
والولد ما يهمه ما عنده مشكله بالعكس الشعر الخشن احلا عليه
::::::::::
ان شاءالله يفيدوونج يالغاليه
في شامبو ينباع في سبنس فقط لتنعيم الشعر
وايد أستفادو منه وسعره 60أو 70 درهم