الموضوع كله انه ولدي بسم الله عليه يسير المدرسه كي جي ون KG1 وما يحب أسويله ريوق غير بيض امقلاي يعني كل يوم ريوقه حق المدرسه بيض مقلاي أي شي ثاني ما ياكله .. فهل هذا يضره عشان ياكله كل يوم صح بعض الأوقات أشوفه يرد من المدرسه مرجع نص السندويجه ومرات ما ياكل منها غير شوي .. بس حاولت أحطله شي ثاني ما ياكل 
بس حابه أتأكد البيض ما يضر اذا زاد عن حده يعني بشكل يومي ولا عادي .. ياريت الافاده ؟؟
ما عندي فكرة ,,,,,,,,,,,,,,
بس لو اتنوعيين بين المقلاي والمغلي ,,,,,
ومره جربي وقولي له ان البيض خلص ^_^ وشوفي شو بيقوووول ؟؟؟
نفس كلا م الاخت احبuae مرات قوليله خلص البيض.. وهو ما يضر البيض الا اوقات جريب الظهر والعصر لانه يسوس بهق..
أحب UAE وأم سعيد مشكوووووووورين على الردود شكلي بحاول اني أقوله خلص 
بس عن البيض لمفور ممنوع ياكلونه في المدرسه عن يوصخون عمارهم .. بحاول أدور شي يجذبه ويغير رايه عن سالفة بيض المقلاي
نفس الحالة
… وانا عبالي ولدي بس جي…
بس اليهال ياكلون اي شي من اليوع…
حاولي تحبيبيه في انواع الاكل الثانية بالقصص..
وحطي شخصية خيالية.. قوليله مثلا (عبود زخوه يوم يسير المدرسة ياكل السندويشة كلها..
وماماته تسوي له ساندويش جبن وخيار.. ويحبها..)
وهكذا
miss fan مشكووووووووره حلوووووووه عبود زخوووووووه
الغاليه اصلا الياهل هب لازم ياكل اكثر من 3-5 بيضات في الاسبوع
وهب زين وايد
نوعيله ولدي كان كل يوم يقولي اندومي
وعقب كل يوم كرواسون زعتر
الحين عادي كل يوم يطلب شي لانه يطالع على ربعه
نوعيله ورغبيه في الانواع الثانيه وقوليله الولد الشاطر اللي يحب ماماته يسمع الكلام وياكل الاكل كله عشان يغدي كبير وقوي
والولد اللي ما ياكل اكله كل يوم مريض ويتعب وما يقدر يلعب وامه تزعل وتصيح
انت تحب تشوف ماماه تصيح