ممكن اتساعدوني بغصوص الرضاعه

مرحبا خواتي انا حابه اسال اللي رضعت طبيعي هل صارلها تشقق فالصدر ونزول دم ومد عند الرضاعه وكيف اعالج هالشي انا اريد ارضع ولدي طبيعي بس انا من 2 اسبوعين اعلج صدري وماشي فايده كله احس بالم وتعبانه نفسيا من هالموضوع لان حرام فخاطريه ولدي يكون فيه صحه ومناعه وتعبانه من الحليب الصناعي اذا حد عنده علاج يخبرني به لاني صدق تعبانه وبدعيلها من قلبي انشالله بس ابا ارتاح

هلا اختي
هذا الشي طبيعي جدا وصارلي انا بس انا بقولج طريقة اتبعيها دايما

بس في بداية الولادة لازم الحلمة تشقق وتطلع دم بس انتي لا تخافين واتبعي طريقتي .

أختي أنا استوالي نفس الشي بس في مستشفى دبي عطوني كريم مال الحفاضات كان وايد زين تدرين ليش يستويلج جذه لأن ثومتج مب بارزه وانا اتحملت بس ما اعرف شو اسم الكريم وبعد مثل ما قالت نور القمر بعد الفازلين وايد زين والله يعافيج والله انا حاسه فيج

خاوتي في كريم للحلمه تستخدمينه وانت حامل… ولازم من الشهر السادس على الاقل اتحطينه واتسوين مساج….. عشان مع الرضاع ما تتشقق……… وان االحمد لله استخدمة الكريم والحمد لله ما تشتققت… بس صارلي فطريات.. وتم يتزل دم وامووووت من الالم يوم ارضع لدرجه قمة ما ارضع بنتي منه…. وبعدين خذت جل من الصيدليه للفرطيات واستخدمتة بس ما فادني وايد يباله وقت… واخر شي قمت سويت كمادات ماي في خل تفاح<<<<<<<<< والله والله بعد فضله انه اختفى اللي فيني بس ايتخدمتة يومين…كنت اغسل في صدري ومانشفه اخليه ينشف ابروحه وقبل لا ارضل اغسله…. والحمد راح الالم واختفت الفطريات<<<<< والحين بين كل فتره وفتره اسوي عشان ماترجع مره ثانيه..

اختي استعملي لبيبانثين وفيه في الصيدليه مصاصه على شكل الديد تحطينها على ديدج وبترتاحين بأذن الله

استوت النا بلاوي مب تشققات بس بس اصبري ودلكي صدرج ورضعيها

الخوات ما قصروا .. بس في شئ أنا مجربتنه .. أنا تستولي التشققات على كل طفل لأن الحلمة عندي مسطحة .. وها اللي يخلي التشققات تبقى فترة .. بالأضافة لما قالته الخوات .. في قطعة بلستيكية في بيبي شوب بعد ما تغسلين صدرج واداوينه تحطينه . وتخلي الحلمة ما تلمس الملابس .. وتستفيد من الأدوية واتم بارزة ..وان شاءالله تستفيدين .. والله وياج ..