السلام عليكم
كيف الحال بنات
أنا مشكلتي مشكلة ناس وايد يعانون الظلم في أماكن عملهم
تعبنا ونحن نشوف اللي عنده واسطة وظهر تمشي كل اموره واللي ما وراه حد ما تمشي،، الحمدالله نحن نؤمن بر بالعالمين لكن الظلم الواقع ما يحس به إلا اللي يعيشيه والشكوى لغير الله مذلة
مابا اطول السالفة بس أبا نصيحتكم
انا موظفة بس تعبت اشوف الظلم والله فقررت اطلع من الشغل بس اللي ماسكني هو حاجتي للراتب، والي اطلبه منكم النصيحة،
يعني إذا طلعت من الشغل كيف اقدر اوفر لنفسي مصدر دخل شهري حتى لو بسيط بس اهم شي ان يكون عندي مصدر رزق خاص فيني؟؟
ساعدوني شو أسوي في رايكم؟؟
لاتطلع من الشغلي هذي اكبر غلطه شغل هالايام ماشي صدقيني تاقلمي وطنشي كل ظالم له يوم وكوني مظلمومه احسن ما تكوني ظالمه تحملي اختي وفي طريقه بعد قدمي على اماكن وايد وانتظري اذا ضمنتى الوظيفه الاخرى في جيبج خلاص ساعتها قدمي استقالتج بس مب قبل
كل ظالم له يوم
واذا تركتي الشغل تندمين الف مرة في اليوم
صلي استخارة وربنا ما يخيبج
شكرا على الرد وانا والله اتردد وايدوكل مرة يحصل لي شي او اشوف هالظلم اعصب بس عقب لما اهدا اقول خلاص بمشي شو اسوي، بس والله حرام جذي الواحد كم بيتحمل يعني،
اعرف ان الحصول على وظيفة صعب لاني انا نفسي ما حصلت هالوظيفة إلا بعد كم سنة بحث،
بس الظلم شي الواحد ما يدقر يتحمله،
يعني لو مرة مرتين بنطنش، أما ان الواحد كل يوم كل يوم يشوف تصرفات ظالمة والله ما يتحمل الواحد 
حبوبه الله يعينج واكيد الظلم وايد صعب
بس فكرتي وايد قبل ما تسوين ها الشئ وانا انصحج استخيري
الظلم بكل مكان وتاخذين اجر يوم تحتسبينه عند ربنا
عادي تعلمي التطنيش وحاولي تتعوذين من إبليس
شكله يزن في أذنج ولا حول ولا قوة إلا بالله
اختي …انتي لا تستقيلين لين ما تظمنين شغل ثاني يوم بتحصلين شغل غير ساعتها اطلعي من الشغل…وصلي استخارة