مرحبا خواتي
بغيت أسألكم عن لبس الرياضة
مال البنات لصف أول روضة حكومي
أنا كلما أروح عشان أشتري لبنتي
يقولوا خلصت الكمية صبري لين
توصل الدفعة اليايه وكل مرة نفس
الشي،أمسات مطرشين ورقة بالأيام
اللي بيكون عليهم فيها حصة رياضة
وأنا توهقت شو بألبس بنتي
أخاف أروح الروضة ويقولوا خلصت
الدفعة اللي وصلت.
إذا أحد فيكم يعرف مكان يبيع بدلات
الرياضة مالهم لاتقصروا ربي يخليكم
خبروني وين ألاقيها بالفجيرة.
ان شاء الله تحصلين الغاليه
بالفجيره والله ما ادري …
احنا في العين نفس المشكلة اول اسبوع
كانت مشكلة اللبس اليومي خذت لبنتي اللي في كيجي2 اكبر منها فديتها
وقصرتلها البنطلون
والثانية في كيجي1 لين اخر الاسبوع وفرو قياسها
اما لبس الرياضة فما شي واول ماوصلت الدفعة قالو خلصن قياسات بناتي
وقالو عادي اخذلهن اي فانيلة بيضا وبنطلون اسود على الينبين خطوط بيض
واظن انتم شراتنا بما انها في الحكومة
انا عن نفسي ناوية اسير بيبي شوب وماكس احس يمكن الاقي
ان شاء الله تحصلين الغاليه
نفس المشكلة
ولدي توه من يومين خذتله المريول وولد عمه بعده ما حصل على قياسه
ولبس الرياضة خير شر مش متوفر حق كل الأعمار والاحجام