خبرووني شو اسوي عسب الخياطه اتطيح بسرعه .. طبعا هاي اول ولاده لي و اليوم كملت 9 اياااااااااام و وااااااااااايد متلعوزه منها =(
استخدمت كريم مادري مطهر (ميبو) بس 3 ايام بعدين ودرته .. و الحين كل يوم اتودن في ماي و ملح …
خبروني اذا عندكم طرق ثانيه ..
والله تعبت منها ..
و السمووحه عالمغثه …
حبيبتي الحمد لله على سلامتج انتي والبيبي …. أنا سامعه انه ما يصير تتودنين بماي وملح الا عقب ما اطيح الخياطه لانه الملح اصلا قابض فيشد على الخياطه …..انا بعد فبجري اتاخرت الخيوط ما طاحت فقالت لي عمتي حطي شوية زيت زيتون عقب ما حطيت بالباجر طاحت الخيوط….. الله يشفيج اختي وان شاء الله البنات يساعدونج
انا كنت شراتج الخيوط ما طاحت الا عقب 3 اسابيع وفيه كريم نسيت اسمه وااااااايد اوكي
سيري عند الدكتورة زينب …..
ولاتخلين الخياطه زياده لأن الخيوط تلتحم مع اللحم ….
انا خامس يوم سرت لها ما تحملت .. وكان في خيطين ملتحمين مع اللحم ..
سيريييييييييييييييييييييييييييييييييييييييييييييي لا تتأخرين …
هيه روحها تكشف على الخياطه وتشوفها ..
وتحطلج مطهر ..وأيدين
سيري لا تتأخرين
والله يعينج..
يزاكن الله خير خواتيه ..
وين باقي البنات .. حطن لنا تجاربكن عسب الكل يستفيد …
والله ما عندي خبرة جان فدتج …والله يكون فعونج بس لأجل ولي العهد كل شي يهون
والسموحة
انا يوم ربيت كنت اترس الباينو ماي حار وملح وديتول وكنت اقعد فيه حوالي ربع ساعة والحمد الله كانت تطيح الخيوط من ثاني اسبوع . وهذي تجارب الوالده الله يحفظها وكل الي اعرفهم سو نفس الشي