مطارة الماي الحاره تسهل انفتاح الرحم للولاده

طريقتها حبيت أنقلها لكم للفائده

تعرفون المطاره البلاستيكيه الخاصه بالماي الحار تعبيها بالماي الشديد الحراره
وتحطها أخر بطنها و تتحمل الحراره
وتسويها قبل ما تربي بسبوع وكل يوم تسوي الطريقه هاذي خلال الأسبوع
على كلامها يساعد على انفتاح الرحم

طبعا كل وحده وأدرى طبيعتها متى تربي بأول التاسع أو الوسط أـو بأخره

الحين شو قلتن بتسون الطريقه :1 (42):
الي تجربها تخبرنا النتيجه وأنا مب حامل بس حبيت أفيدكم
وصلن استخاره قبل:22 (27):

لانى كنت في اخر حمل لى ما ارووم امشي ورحت اسوي علاج طبيعى يحطون لى مطارات على ريولى مطارات المستشفى احسن من الى عندي بالبيت وتريح اكثر

والدكتورة قالتى عادي سويلج مطارات بالبيت بس لا تقربين من بطنج

فلا تخاااااااااااااااااااااطرين يا الغالية

والتساهيل من رب العالمين عليج بالادعية

وان شااااااااااااااء الله يوم بيج الويع تم اقري سورة الزلزله

وفي دعاء مب متاكده هو يا مخرج النفس من النفس يا خالق النفس من النفس خلصنى

يا ريت تتاكدين منه ترا نسيت

الحمد الله انا كنت اردد ها الدعااااااااااااااااااااااااااء كل ما يزيد الويع والحمد الله الله ستر لان البيبي ملتف عليه الحبل السري على رقبته مرتين الحمد الله الله كتب للبيبي عمر وعااااااااااااااااااااااااااش

مستحيل مايكون لها اثار .. اتحموا على عماركم ولا تسوون هالسوالف الغريبه