خواتي بغيتكم تساعدوني
انا من بعد ولادتي الثانيه ووزني زاد 10 كيلو وطلعت لي كرش كبيره واصلا من بعد ما ولدت بطني ما خف ابد …وشكلي غلط بالكرش كاني حااامل ومب حلوووه ..دخيلكم سااعدوني كيف اخفه
شي غير الرياضه
يعني مشروب يخفف الكرش حتى لو بنسبه بسيطه المهم تخف
الشاي بالليمون صباحا,,والتلبينه خفيفة القوام والحليب مجرررب.إنشاء الله بيروح.
الكرشة مشكلتها صعبة و مافي رياضة تخفف بس منطقة البطن لازم تضعفين بكبرج بالريجيم و الرياضة لين تروح دهون البطن تماماً عقب ترجعين تزيدين وزنج شوية حق المعالم الانثوية
شفت عن ابر تذوب الدهون يحقنونها تحت الجلد كل انش تقريباً بس ماجربتها و في كريم 4D الاحمر استخدمته بس ما استمريت عليه بس سمعته وايد اوكي.. و بعد زيت العصفر الرياضيين ياخذونه يشل دهون البطن اكثر شي بس ماجربته و ناوية بعدين بس اخافه يضعف الجسم كامل
في شي جربته من زمااااان و خفت اعيده لانه كان جداً قوي.. خذت زنجبيل طازج بقشره و حبة جريب فروت كاملة بقشرها و عصرتهم في عصارة الجزر و خذت العصير ضفت عليه زيت الجوجوبا و خلطته مع كريم منحف و حطيته على بطني مثل الماسك و لفيت عليه النايلون و بعد ساعة او ساعة الا ربع غسلته… صدمة ضعف واااايد بطني كمن انش والله خفت و ماعدتها مرة ثانية ههههههه.. بس ان شاء الله بعد ما اقوم بالسلامة احاول اعيدها وان شاء الله ماتضر
ما لج الا الرياضة .. و اذا المنطقة تمت مترهلة يبالج قَص
رياضة وأكل صحي بدون دهون وسكريات
إذا من بعد الولاده فهو مب دهون بس اكيد غازات وهوا
انصحج تواضبين على شاي الأخضر مع الينسون والسنوت 3 مرات في اليوم استمري عليه شهر و بتدعين لي
بس المهم تواضبين
وإذا حصلتي وقت للمشي زين
نعم مشكلة الكرش شائعة كثيرا