شحالكم بنات
بدخل فالموضوع بدون مقدمات
الله يسلمكم انا معرسه من 4 سنوات
وعندي ولد وبنوته
المهم
انا عندي قسم في بيت اهل ريلي ( نروح له فالويك اند بس )
غرفه وصاله وحمام عزكم الله
والصاله فيها باب يوديج للحوش اللي وراء البيت
واذا فيه عمال او مال الكهرباء يدخلون من الصاله عندي
في مجال انهم يدخلون من صاله اهل ريلي بس المسافه ابعد شوي
بس طبعا عمتي ماترضي تباه يمر من عندي
بس في مجال انهم يفتحون باب من الحوش
ماحد يمر لامن عندنا ولا من عند اهله
بس امه مش طايعه ابداا
تقول اذا انتوا عايشين هني سووا اللي تبونه
بس انا ماابى حد يمر من الصاله لان الصاله
تخيست الزوالي اختربت من العمال اذا بيبنون او اي شي غيره
ودوم اقول مانقدر نسوي شي فالصاله اذا عدلنا خيسو العمال
ووااااااايد متضايقه من دخلتهم لاني اعتبرها خصوصيه
مش المفروض كل من هب ودب يدخلها
وريلي يقول لي انتي سهل ارضيج واتفاهم معاج لاكن امي اذا زعلة صعب انها ترضى
اتريا ردوودكم عشان اعرف احل المشكله
هلا حبيبتي
ما عليه اصبري ..
دام انج تين في الويكند
أهم شي الغرف مسكرة بالمفتاح ..
بالنسبة للزوالي .. شليها واركنيها على صوب عسب ما تخيس
شو بتسوين .. أدري صعب
بس ما يستوي الريال يكلم امه .. خصوصاً اذا يعرف انه امه بتزعل حرام
اصبري والله ييسرها لج ^_^
وانا اقولج مثل ام خالد 
والعمال ما بيكونو 24 ساعه في البيت يا الغالية
لكن في حال انهم يدخلو ويوسخو المكان بصراحه مب حلوة لانه هذا قسمكم ومن الواجب انه يكونو وايد حريصين عليه .
واذا كان في حل انه ما يدخلون القسم يكون أفضل .
الله يوفقج ويسعدج إن شاء الله
أنا رايي مع راي أختي أم خالد الحلو
وبالنسبة للزوالي .. شيليها وحطي مكانها حصير عسب لا يخيسولج الفراش
وماعليه استحمليهم بس فترة وبيخلصو..
والله يصبرج و يعينج ليما يخلصوا..
ما عليه اختي اصبري و مثل ما اقترحت عليج أم خالد .. شلي الزوالي ووو ولو خلاص فات الأوان .. من يخلصون بنااا .. قولي حق ريلج بنجدد في الصالة .. و غيرو الزوالي و عدليها على كيفكم .. أيام و بتعدي اختي ..
الله يكون بعونج بصراحه
ما بيدج غير انج تصبرين
ودامج ما اتين هم الى في الويك اند لا اتسوين سالفه من هالموضوع
حبوبه تراج ظيفة في بيت اهل ريلج يعني بس مجرد تيين لهم في الويك اند <<< تحملي استغربت يوم تقولين ام ريلج ما اطيع ادخل العمال من عندها شي طبيعي ترفض انتو الا شخصين وتيونها زياره في الويك اند وهم اصحاب البيت كيف تطلبين ترفضين يمرون من عندج ؟ ؟
الزوالي مالج لفيهم وارفعيهم ع صوب طول ما العمال يشتغلون واذا عندج موكيت ع الارض الي هو باللصق ممكن انج تفرشين سفره ( البلاستيك مال الاكل ) وتلصقين اطرافه باللاصق الابيض الي اييج شرا الشريطه ومنها ماراح يخرب الموكيت .
تحملي ولا تزعلين عمتج تراها حرمه عوده ^_^ ربي يوفقج في حياتج ويطرح البركه فيكم
لا تزعلين من كلامي بس ما يصير ترفضين ان العمال يمرون من صالتج