السلام عليكم والرحمه
اشحالكم بنات ان شاء الله طيبين
ومبروك عليكم الشهر الفضيل والله يتقبل منا ومنكم صالح الاعمال يارب
حبيباتي عندي مشكله الصراحه ما كنت اعاني منها من قبل بس ها السنه المشكله ظهور الشعر تحت الجلد ع ريولي (القدمين ) بس يعني ايدي الابط عادي بس في ريلي
واتعب وايد حكه شديده ومنظرهم مب حلو تصدقون احيانا اخذ ابره واطلع الشعر من تحت الجلد ^^
يوم اشل بالماكينه عادي يظهر الشعر طبيعي مب الكل بس مب شرات الحلاوه يوم اشل بالحلاوه اغلبية الشعر يكون تحت الجلد وحكه من خامس يوم اشل ع طول حكه دوم احك شكلي صراحه مب حلو احاول اتحمل بس ابد حكه وايد وشكل اريولي مب حلو الشعر تحت الجلد
وابيكم تساعدوني الي عندها حل للمشكله ما تبخل علي الله يجزيكم الف خير
هلا فديتج هاي مشكلتي قبل لان يوم تسوين حلاوة طبقة الجلد تنشل وعقب تطلع طبقة جديدة وتسكر مسام الشعرة…
لازم تسوين بعد الحلاوة ب 4 ايام سكراب وتقشير للجسم وقت السباحة علشان تشلين الجلد اللي مسكر المسامات….جربي بعد 4 ايام من الحلاوة سوي سكراب الجسم وافركي ريولج عدل….اختاري النوع الخشن انا احب هالنوع…متوفر في السوبرماركت….واستمري عليه كل يومين وهو زين بعد للركب والباط والجسم مع كل سباحة ممتاز يخوز السواد والجلد الميت من الكوع والركب
لازم تعملي سكرب اختي اي نوع سكراب وجيبي قفازات من البودي شوب حطي في يدك وحطي السكراب وافركي كويس بس مش بقوة يعني وحاولي كل ما تاخدي شور تستعملي قفازات بودي شوب مع الشاور جيل
والسكراب مرتين في الاسبوع ان شاء الله لما تيجي تشيلي الشعر بالحلاوة حيكون طالع معاكي
والسبب اعتقد من الماكينه
نفس المشكله وفي ريولي بس
أحين أفكر أسوي ليزر حق ريولي بس مب كامل النص بس
ابتعدي عن المكينه
اختي انصحج بالليزر الشعر اللي تحت الجلد يتاثر بالليزر ويطلع بسهوله ويطيح
شوفي اي مقشر للجسم ينفع استخدام يومي
انا استخدم اعشاب طبيعيه خشنه تقشر وتعطي نعومة
او استخدمي الليفة المغربيه يوم تسبحين بعد تسوي نفس الشي