السلام عليكم
كيف الحال اخواتي
النظام اليديد الي قاعدين يطبقون على اعيالنا والي هو تجربه يديده في مدارس ابوظبي
بغيت منكم المساعده في تدريس اعيالنا
انا بنتي في الصف الرابع
احنا على ابواب الامتحانات واعيالنا الي يدرسون في هذي النوعيه من المدارس
منهجهم مب واضح
يعني مثلا مادة الانجليزي ما في كتب لهذي الماده والمدرسه قالت للبنات لا تدرسون الي امتحنه في قبل
وعطتهم قصه وقالت الامتحان بيي من هذي القصة
والقصه ما انشرحت في الحصة (يمكن يبون يجوفون قدره البنت ؟)
والقصه عن بسكوت الزنجبيل
اشلون بيي من هذي القصه يعني شو اندرسهم بضبط
وقالت ان القواعد ما بتدخل في الامتحانات
انت شو رايكم في شي واضح في الامتحان
فارجو يا اخوات الي عنده نماذج امتحانات السنه الي فاتت او طريقه توضح لنا الامتحانات
فارجو انكم ما اتقصرون في مادة الانجليزي او العلوم الي هي نفس المشكله
ولكم مني جزيل الشكر
تحياتي
هلا اختي
انا ادرس بمدارس الشراكه
خلي بنتج تعرف القصة يعني تشرح احداثها باللغة الانجليزية وتقرا اذا فيها جمل تعرف تكتب بعض الكلمات المشهورة وحاولي تسالينها بعض الاساله عن القصه واحداثها وتخلينها تجاوبها واتوقع في كل قصه في كرت فيه بعض الاساله المشهورة
تكون عندها خبره عن الالوان الشخصيات الشعور يعني هل هو سعيد او حزين ولماذا
ومن ها الاسأله وان شالله اكون وصلت لج المعلومه
على فكره انا مدرسة للصف الاول وتقريبا الكل نفس الاسلوب ويدرجون بالصعوبه
اشكرج على المعلومات الحلوة الي قدمتيها
بس القصة ما فيها اسئله
وهل صحيح ان القواعد ما بتدخل في الامتحانات
الي اعرفه ان ماشي قواعد بنتج متى امتحانها
اذا مب باجر سيري المدرسه وتقابلي مع المدرسه واساليها
بنتي امتحاناتها بتيدأ يوم الخميس وان شاء الل ه باجر باروح عند مدرستها
وجزاج الله الف خير وان شاء الله اتلقينها في ميزان حسناتج
مدارس الغد او مدارس الشراكه كلها تجارب على الطلبه والضحيه منو طبعا عيالنا‘ ياريت يردون للنظام الاولي ويحسنون شوي في الانجليزي 