مرحبااا حبوباات
بغيت مساعدتكن
انا فالرابع
وكروشتي بدت تنط والثياب بدت تضيج
الله يسهل علينا و عليكم و يرقنا الذريه الصالحه
وييين محلات تبيع ملابس شيك للحواامل؟
فالشارجه او دبي
للرفع
أتمنى البنات يساعدونا
انا في الخامس و بعدني البس لبسي إلا البناطليل اتعورني ….
ما عرف من وين ،،، اختي كانت يوم اتسافر تركيا تشتري لبس حوامل قمه في الشياكه … عندهم شوارع خاصه بالحوامل …. أن وايد اتشوفين كروشا هناك …
دبنهامز …. ماميز اند بابيز ..ماترنتي ..
على فكره اللبس مب ارخيص لكن في تركيا رخيص
H&M في مول الإمارات
فيه محلين واحد نسائي ورجالي
والثاني للحوامل والاطفال <<<< هذا اللي فيه ملابس للحوامل حتى البناطلين والقمصان فيه
عندج في مول الامارات جيني روز (احلا واحد في نظري) وعندج في المذركير بتحصلين وماماز اند باباز بعد هاذيل للكروش الكبار
دام كرشتج توها في اولها خذي الفساتين لي قصتهم تحت الصدر من برومود يومي صباحي ومن مانجو للطلعات المسائية وعندج فور ايفر 21 عندهم التشيرتات التيوب وغيرها تكون واسعه عند البطت وتحت فيها مثل لاستيك او شي هاي عمليه للدوام وممكن تشترين جلابيات الدانتيل للبيت خفاف وسيري السوق الصيني بتحصلين بجامات تيشيرتات احجام كبيره اشكال مختلفه ورخاص خذيلج منهن لانهن استخدام مره وحده وبتعقينهن
عبي في عند بوحليقه في بو هيل لي عدال محل شروق عنده عبي ساده بقصات تنقع للحمل كودي منهن حق طلعاتج العاديه واليوميه وكاسريه ينزلج ..
بس اعتقد غطيت كل ما يخص لبس الحوامل 
موفقه
وانا من تجربتي افضل بنطلون الجينز وقمصان فور ايفر 21 للدوام والطلعاات وكل مكان وااايد اريح من الجلابيات لانه حر وانتي روحج ع الحمل تحرين بزياده والجلابيه يبالها شلحه واسترتش وسوالف تحتها تحرين منها خص فوقها عباه .. فاحسن شي عن تجربتي هوه بنطلون الجيزن واللجينز (خذتهم من جيني روز وفيه الوان على كيف كيفج) ووفوانيل فور ايفر 21 خذت مختلف الالوان والموديلات وللحين اجحتهن
للزيارات فصلتلي كمن فستان من اللي بقصات تحت الصدر يعني تكونين شوي كاشخه لو بدبه ما يستوي تسيرين عند الناس جسيفه
وللبيت البس جلابيات الدانتيل اذا حد ياني واذا لا على طول بجامات السوق الصيني
وكفى الله المسلمين شر القتال