مالي حد غيركم ارجوكم ساعدوني !!!

عندي مشكله .. وابغيكم تخففون عليه يمكن انسى او تخلوني اعيش دنيا غير اللي انا فيه …

ما ابغي اقول كيف كنت عايشه قبل المهم ببتدي لكم في القصه اليديده اللي استوت لي

قبل سنه تقريبا ……. ياني احد الاولاد والموبايل بيده يقول لي ماما وصل لج مسج ؟؟ لما شفت الموبايل قلت هذا موبايل بابا خذه لمكانه والااقول هاته انا بوديه ما ادري ليش صديت للتلفون الا مسج ؟؟؟؟؟ بصراحه انصعقت مسج بعبارات مو مصدقه انها لزوجي …

تمالكت اعصابي بس دموعي نزلت غصبا عني قلت لا اهو راقد الحين ويمكن بالغلط وشوي الا مسج ثاني وهني تاكدت سرت له وقلت خذ يالك مسج ___________ ؟؟؟ تبون اكمل والا
الله يخليكم خواتي
من ذاك اليوم وانا مب عايشه مرتاحه احس انه بموووووووت ومب قادره انسى ..
ارجوكم ساعدوني

ناس كثيرة تغلط بالارقام..ولو زووجج يسوي شي غلط كان ما خلى التلفوون

تحت ايدكم.والا كان بيستعمل رقم ثااني

انا اقوول تفاهمي ويااه بالزيين ورمسيه ………ترا الريال ياهل

اذا حنيتي عليه حطيتيه بمخباج واذا عاندتيه تخسرينه

اتاكدي منه بالاول …….وشوفي ردت فعله

انا صار لي موقف ويا زووجي وتكرر مرتين

وطلعة السالفه مافيها الا كل خير

بس كانت من وراي ومستحي يقوولي والا انا طلبت الطلاق

لولا كبر عقله……….وارادة الله

مثل ما قلت لج لا تتسرعين واخذي العلووم من ريلج وعقب احكمي

وكلميها قولي لها حرام تخربين بيت ناس متزوجين وعندهم عيال

وحذريها اذا سوتها مرة ثانيه انج بتخبرين الشرطه وخليج قويه ولا تضعفين

بس بعد اقوولج كلميه لاطوفينها بس سامحيه وخلي كلامج عقلاني

كل الناس تغلط يوخيتي .اهم شي شوفي ريلج ليش يلعب من ورااج

اكيد بتقوولين مب مقصرة ويااه فشي انا ادري

بس بعد بتلقين ان في فجوة ولازم انج تكتشفينها

وما اعرف شقول لج

السالفه شكلها بتخبلبي لاني مب قادره اوصلها لحد ………… يعني تصدقين اني يالسه اصيح وانا اقولها لكم لانه مب حلوه الحرمه تفضح زوجها وابو اعيالها مهما صار ولكن بقلبي حجر لاني كاتمه ع الموضوع ومب رايمه لا ايلس وياه ولا اطلع ولا شي
ويقول لي انسي وانا غلطت
وانااقول مسامحتنك بس من داخلي لا

ما ادري شلون اشرح لكم موقفي
ابغي حد يحس فيني ………. وما يحط اللوم علي