السلام عليكم و رحمة الله و بركاته
اول شي حابه أقولكم عن تجربتي المأساوية ويا الرموش الصناعيه
اول شي رموشي الطبيعيه كانن بطبيعتهن طوال و كثاف و ما كنت احتاج. للمسكره دائماً
بس كنت دايما أباها يكونن أطول دورت و بحثت جربة زيت الخروع جفت واااايد تجارب بنات نفعهم
بس انا ما سوالي شي
قمت اخرررر شي ركبت الرموش الي أتم شهر
و كنت مستااااانسه عليهم وكانوا ثابتات و ما طاحوا كان شي فعلا عجيب
بس آخر شي الي هو امس الفليل حسيت بضيقه منهم و كنت أبي اجلعهم فحاولت افجهم بس شو الي صار
انه الرموش تتجلع و لاصقه فيهم رموشي الطبيعيه
كنت احس بألم و أصيح و انا أجوف رموشي تتجلع
خلصت العين اليسرى
رحت لليمين نفس الشي بس قمت أحط البيبي أويل و امشطهم بمشط الرموش عساس يتفججن عن بعض
بس بعد صارلي نفس الشي رموشي طاحن و وايد بس اليسرى كانت أكثر
و الحين منظر رموشي فررررق شاسع عن قبل التركيب
الرموش السفليه أكثف عن العلوية
الرموش العلوية خفاااااااف جداً بس في كم حبه طويله
الرموش العلوية شكلها بالمسكرا كأنها رموش ياهل منتفنهن
بس ما أقول غير الحمدالله على كل شي و هذا يزات الي يطمع لول
المهم من امس لين اليوم و انا ألف في المواقع أدور شي حق الرموش
قريت عن زيت الخروع بس سبق و جربته
و الكحل الاثمد > بس بغيت اعرف وين بحصل الأصلي في العين و هل في حد مجربنه
و مستحضرات طبيه بذكر أسمائهن يقولون أنها تكثف و تطول الرموش و اتمنى لو حد سامع عنهم او مجرب يفيدنا
1) double. Lash ماسكرا دبل لاش مافالا
هي عباره عن ماسكرا للرموش و الحواجب
2) Foltene ماسكرا فولتين
3) lumigan قطرة لوميجان
هاي قريت عنها وايد و هي أصلا حق الماي الأزرق في العين بس تطول و تكثف الرموش و تستخدم انج تحطينها على قطنة الأذن و تمسحينها على رموشج بس تحملي تدخل العين لانه يمكن يكون لها آثار سلبيه و حاولي أنها ما تلامس جفن العين
و اتصلت على الصيدلية لقيت سعرها 89 درهم
4) latisse قطرة لاتيس
نفس القطره الي قبلها و حق نفس المشكلة للعين و تركيبتهم نفس الشي بس هاي سعرها أغلى و الشكل غير و مب متوفرة في كل مكان
إذا حابين تجوفون أشكالهم في قوقل
انا كتبت الأسماء عشان استشيركم و أجوف تجاربكم
و أدعو لي انه رموشي ترجع شركات قبل :’)
هيه و أبا اعرف لو الرموش تجلعن هل اتطول لين ما تطلع لو ما استخدمت شي ؟
الله يهديج ويصلح حالج تركيب الرموش الصناعية محرم لأنه من الوصل . ليش نكون ملعونات من الله بسبب وصل شعر أو رموش ؟! أول شي أستغفري ربي وأعزمي على التوبة وعدم الرجوع لتركيب الرموش مرة ثانية . ثانياً : خلي رموشج وجفونج ترتاح , الرموش بترجع تنمو بروحها . بعدها تقدري تستخدمي الأثمد الخالي من الرصاص . بتلاقية في الصيدليات .أنا مجربة الأثمد والحمدلله ما أستغنى عنه ووايد فادني بس باقي المسكرات المغذية وزيت الخروع ونواة التمر كلهن سببن لي حساسية والتهاب في العيون .
انا طلبته من كم سنه من السعوديه واحسه وايد زين الاثمد
المشاركة الأصلية كتبت بواسطة وجدان الفجر 
اي والله توبه و ما كنت ادري انه تعتبر حرام لانها مالت شهر
و توبه اجازف مره ثانيه
خذت احين الاثمد و قلت ما بقرب من عيوني خل ترتاح من المسكرا و بقطعها هالفتره
اييه لقيت الاثمد و خذته و ان شاءالله بجربه
انا جربت سيروم الـ double lash من mavala..
حلوو و طولي رموشي شوي و صارت أقوى عن قبل..
ان شاء الله يفيدج و ترجع رموشج شرات قبل..
لكن نصيحه لوجه لله لا تجربين اي شي قبل مــا تسألين عن حكمه و تتأكدين من منافعه و مضاره و الله يهدي الجميع يا رب..
و بالتوفيق اختي..
اختي الله يعينج الصراحه كله الا الرموش
احس ما في داعي تستخدمين الادوية وجي بالاخص انها اتسبب ضرر لو دخلت عينج او لامست الجفن داومي ع الاثمد واستخدمي سيروم الـ double lash من mavala