هاي بنات
احترت وين احط الموضوع كنت اتحرى في قسم هني حاص بالتفصيل والخياطه …. بس بس انه هالقسم لحل المشكلات فاعتقد اوكي احطه هني …. اللي عندها تجارب خياطه وتفصيل بليز ابا اعرف عن الباترون هل هو بسيط او معقد لاني يوم اشوف الباترونات احسها شي معقد خطوط شابكه في بعضها واشياء معقده مش مفهومهوانا ماحب الحساب والرياضيات …. انا ناويه اتعلم التفصيل والخياطه بس هل تعلم الباترون صعب لهالدرجه ولا شو؟ بليز اترياكم
ما عندي فكرة
ان شا الله البنات يساعدونج 
الباترون وايد حلو و سهل… و هالخطوط المتشابكة هي عدة رسمات، بس لازم تفجينهن عن طريق نسخ الباترون إلي تحتاجينه ع باترون منفصل… و واااااايد حلو رسم الباترونات.. أنا وايد أستمتع به، بس مش بروفيشنال 100%… لأنه هواية عندي و من أيام المدرسة أتذكر و مرات أساعد خياطتي في رسم الباترونات…
توكلي ع الله، و امشي في مشوار تعلم الخياطة… و حظ موفق.gif "12 (7)")
الرسومات حسب القياسات يعني لازم تقصين الباترون حسب المقاس اللي تبينه ما اعرف كيف افهمج
الغاليه في بترونات فيها رسمه وحده بس يعني موديل واحد فما تكون متشابكه