مرحباااااااااااااااااااااا بنااااااااااااااااااااااات
الغاليات…
لو عرفتي ان زوج ربيعتج اللي بينج و بينها عشره وتحبينها وتشوفينها مثل اختج ..
متزوج عليها
شو بتسوين ..بتخبرينها؟؟؟
وانتي عارفه انها تموت فيه وتشوفه في الدنيا كلها..!!
والا تسكتين ولا كأنج عرفتي ؟؟
خبرني شو بتسون؟
اذا هو مب مقصر وياها في شي سوي عمرج ماتدرين بالسالفه احسن
لانج ما تعرفين شو بتكون النتايج اذا خبرتيها
اما اذا كان مقصر معاها لمحيلها بس لاتقولين
وخليها تهتم فيه اكثر
والسموحه
هلا اختى قبل كل شي لازم تفهمينها انه الازواج مالهم امانه ولازم تهأيئنها لامر وحاولي اتقوليلها قصص مقاربه لقصتها من ضمنها موضوع الى صارلها لحد ما تكتشف الامر بنفسها ومن بعدها هيه بتصرف لانه بصراحه لو اي حد مكانها بتتمنى انها تعرف الامر اليوم قبل باجر والله يهدي زوجها ويصلحه بس حراام عليه الخدع ويوهمها بانه لها وهوه عنده وحده ثانيه الله يصبرها
اذا ربيعتي الروح بالروووح وما ارضى عليها أكيد بخبرها.. خصوصا اذا كانت مب مقصرة وهو مقصر…
شكرا خواتي على الردود
انا محتاره وااايد لدرجة اني اتحاشى اكلمها .. الحرمه حامل واخاف عليها.. وهو مب مقصر وياها .. في نفس الوقت احس بالذنب اني ساكته ..شوووووووووووووووووووووووووووو الحل 
الصراحه موضوع صعب وفيه مصير عايله .. ممكن تنهدم بكلمه منج
اكيد مافي وحده اتحب اتعيش مخدوعه ولا ريلها مستغفلنها ومستغل عمى الحب اللي فيها بس بعد ساعات الوحده تعيش بدون لا اتعرف اريحلهااا ,,,,,,,,,,,,,,, ما اقدر انصحج مابا اقول شي ويتم فذمتي ………. انشالله البنات يفيدونج لاني لو كنت فهالموقف ما بعرف كيف بتصرف … الا اذا ريلها اصلا كان مب زين وياها وملعوزنها برمس
السموحه منج حبوبه
الغاليه انتي متأكدة ان متزوج عليها؟؟ شو اللي يأكدلج؟ وطالما انها حامل انا افضل ان ما تخبرينها. في حوامل يتعبن ولا سمح الله ممكن يستوي فيهن شي.. الله يعينها ويصبرها