كيف الوحدة تكون واااثقة من نفسها؟

شحاااااالكن ؟ ان شاء الله بخيرر

خوااااتي انا ابغي اتغير..بس خلاااص ما ابي شخصيتي تكون مهزوززة وضعيفة

والله وايد مواقف استوتلي واحس اني ضعييفة شخصيا ومحد يعتمد علي في اي شي سواء في البيت او ويا الربع او في الدوام ..!!!

كل هاا لان شخصيتي ضعيفة …انا موول ما اعتمد على نفسي ..مثلا لو انا بغيت اسوي شي ..اخذ راااي غيري وحتى لو الراي مش مقتنعة فيه بس غيري مقتنع فيه وهالاهم عندي ..!!!

وما عندي راااي موولية ..لو حد قالي شو رايج في هالشي على طول بدون تفكير اقول هيه اوكيه …وما اتناقش ولا شي

ودووم قبل ما اسوي شي اسمع نصاايح غيري ابدا في حياتي ما سويت شي انا مقتنعة فيه …

وبسرعة اتأثر بكلااام غيييري ..اذا قالوا صح اقول صح واذا قالوا غلط اقول غلط

ابا ثقتي تكون قوية لان هالزمن صععععععب حق اللي ما عندها ثقة بنفسها ….

كييييف اكتسب ثقة في نفسي بليز ساعدوني لاني في حاجة للتغيير

هشي حله فأيدج انتي
تدرين .. قبل كانو يقولون لنا ايام المدارس
البنيه اللي مب شاطره تقول انا شاطره وتكتب عالورقه هالكلمات
انا شاطره ,, انا اقدر ,, انا الله عطاني نعمة العقل ,, انا مب ناقصني شي الحمدلله اقدر اوصل . انا ,, انا .. انا ..,

ووالله اتذكر ان بنات كانو يقولون عن عمارهم نحن مب شطار وفلانه اكيد بتييب درجات بنغش منها
لين ما سوو هطريقه ,, ووالله سبحان الله .. قامو يعتمدون على عمارهم فالدراسه وكل ما ضعفو ردو وكتبو هالكلمات وترد ثقتهم ودرجاتهم زادت والكل انصدم من المستوى اللي وصلوله وهاي كانت شله ويانا =)

ونفس الشي لبنيه كانت تكره مادة التاريخ .. كانت تسوي دزاينات ع الفوتوشوب تكتب عليها انا احب مادة التاريخ وتعلقهن فحجرتها ههههههه وتسولهم ديزاينات حلوه عسب تحب هالكلمات اللي كتبتها ..

هاي شغلات خبرتج عنها سووها ربيعاتي وقلت لج اياها عسب تكون عبره لج =)

انتي جوفي لج طريقه .. بالكتابه او الديزاين او اي شي تحبينه
وكتبي فيه انج انسانه واثقه ولج طموح وانج تقدرين وانج مب اقل عن غيرج
وانج بتفكرين قبل الرد .. وانج صاحب الراي ,, لكن اهم شي ترددين انا انسانه وااااااثقه من عمري

وصدقيني ها كله بينبنى فداخلج احساس الثقه وهذا المطلوب =)

لكن اذا قلتي انا ما عندي ثقه بعمري وانا وانا وانا راح تعطينج نتايج سلبيه انتي في غنى عنها

شوفي اربيعااااتج .. اللي يحبونج خلهم يووقن ويااااج وانشالله بتتغيرين