السلام عليكم ورحمة الله وبركاته
خواتي بغتكم تساعدوني كيف اعق البامبرز عن بنتي
بنتي عمرها سنه واربع اشهوور ويوم اخليها بدوون بامبر ماتبول الا عق 3 او 4 ساعات
وكل ربع ساعه اوديها الحمام بس مافي فايده ماتبول ..
عادي لو اقدر اخليها بس تلبس البامبرز فليل
زين اختي لا تلبسين بنتج البامبرز الا فليل
انا الي اعرفه وشفته من خلال عيال اخويه
كانت امهم تلبسهم بمبرز اذا بتطلع مكان مثل السوق او غيره ولا في البيت ما كانت تلبسهم مع انهم ما شاء الله ما خلو مكان ما خيسووه وحليلها دوم كانت تنظف وراهم الانهم صغار ما يفهمون عشان يقولون نبغي انروح الحمام .. بس يوم بيرقدون تلبسهم .. لين كبروا شوي وفهموا ويقدرون يعبرون يقولون الامهم امي بسير الحمام بسوي (…….) او(…….) عزج الله فكانت توديهم بس كانت تلبسهم فليل الانهم يشربون حليب قبل لا يرقدون فعشان جي البامبرز ضروري .. ولين كبروا شوي فصارت تعطيهم الحليب قبل لا يرقدون بساعه عشان تقدر تخليهم يدخلون الحمام قبل لا يرقدون وبجي ما تلبسهم .. والله يوم يرقدون وهم شاربين حليب ومب رايحين الحمام توعيهم و تبولهم عزج الله وعقب تردهم يرقدون وبجي افتكت من البامبرز ..
بس في مثل بنتج فديتها بعدها ياهل .. اصبري عليها شوي على الاقل لين تفهم وتقدر وتقولج امي بروح الحمام..
شوفي اختي انتظري حت تكمل السنتين وان شاء الله مع التعود هي راح تطلب منك انها تروح الحمام
بس انت استمري توديها للحمام انا هيك كنت بعمل مع اولادي الاربعة
ربي يساعدك ان شاء الله
عليكم السلام اختي بنتج الحين صغيرة صبري عليها لين اتكمل السنتين انا بنتي عمرها سنتين لين الحين تلبس البامبرز بس احاول اخليها من غير البامبرز في النهار وكل شوي ادخلها الحمام عزج الله ونتم اكثر من ربع ساعة في الحمام واخرتها ما تسوي شي لازم نصبرلين يتعودون
حرام عليج البنت صغيرة!!! بدري عليها.. ترييها تكبر شوي.. عيل شو بتقولين عن هاليهال إلي يروحون الروظه ولسى البامبرز عليهم!! ها تقريبا أعمارهم 4 أو 5 سنين..
أنا قول بدري عليها..
والله يخليها لج ويحفظها وإنشاالله تطلعلج بنت باره تفتخرين بيها…