كيف أخفف وزني والكرشة مع الرضاعة

السلام عليكم بنات
انا الله يسلمكم وزني كان زايد قبل الحمل بسبب الإجهاض وخوفي من الحركة والنفسية بعدين الله كتبلي الحمد الله الحمل والحين ربيت من 4 شهور وهذا الحمل الثاني بس أعاني من زيادة الوزن وكرشة مترهلة ومنتفخة وزني زايد عن الطبيعي حوال 30 كيلو 85 كنت بالهوزن قبل حوالي ل10 سنين ونقصته بس صار عندي كرشة مترهلة ومع الحمل والولادة زادت المشكلة بسبب الوزن والوقفة والتجسيف طول الليل مع الياهل ركبتي تعورني حتا الصلاة علا كرسي >_<وسويت علاج طبيعي ولا فاد الطبيب قال بسبب نقص فيتامين دال وأخذ الحين حبوب بس مب قادرة امشي او أسوي رياضة بسبب الركبة وريجيم ما اقدر بسبب الرضاعه فياليت تفيدوني بنظام او شي اشربه فنفس الوقت ما يقلل الحليب علا الأقل أنقص شوي يمكن تخف الركبة واللي مرت بحالتي تفيدني مالي غيركم بنات افضض له وما تقصروا خواتي واحبكم فالله

ربي يعينج اختي ويشفييج
انصحج اتابعي ويا دكتور تغذيه هو بيشوف اللي يناسبج وبالمره اتابعي وياه ولا تقطعي النظام

ع فكرة الريجيم تقدرين تسوينه حتى لو مع الرضاعة
بالنسبة لي ناوية بإذن الله أسوي هالشي من أربي
كل أكلج خليه سوائل ( شوربات بكل أنواعها، عصاير من فواكه وخضروات)
ابتعدي عن الكربوهيدرات ( عيش، خبز، معكرونه إلخ)
كثري بروتين ( صدر دجاج، أسماك، لحوم خففي منها شوي)
وخذيلج فيتامينات كمقوي غذائي

الله يوفقج ودعواتج الله يسهل عليه ولادتي

الله يسهل عليج حبيبتي المشكلة أني أعاني من الم الركبة بحاول بإذن الله اشترك فجيم لو مرة بالأسبوع وبخبرهم انه عندي الم بالركبة وأركز علا الاشيا الصحية هالاسبوع بديت شوي وشريتلي ميزان عشان أراقب نفسي وبحاول أسوي تمارين خفيفة فالبيت والحين ما عندي خدامة فبحاول اشتغل فالبيت وأتحرك
لأَنِّي فعلا مضايقة من كم سنة ما وصلت لها الوزن وزني وصل فالحمل ٩٥ والحين ٨٨ يعني نقص شوي بس بحاول بعد اروح عند دكتورة تغذية عشان التزم اكثر انا الحمد الله عندي إرادة من قبل نازلة حوالي ٢٥ كيلو وكنت محافظة بس اهملت نفسي هالحمل وقَعَدت البيت بعد
بس اذا فيه شي نشربه مثل خلطة ما تاثر علا الرضاعه ياليت تفيدوني