السلام عليكم خواتي
أنا الحين بالأسبوع 33
ومثل ما تدرون بدأ العد التنازلي للولادة
بس في شغلة شاغلة بالي وااااااااااايد
وأحتاج مشورتكم بها
لأني مب عارفة شسوي؟
الموضوع إني مب عارفة كيف بترك زوجي 40 يوم بعد الولادة وأكون ببيت أهلي .. خاصة إني بكرية .. وخاصة إنه بعدني متزوجة من سنة بس وما افترقنا أبد
وهو معتمد علي بكل صغيرة وكبيرة .. فحتى لو كنت ببيت أهلي بقعد أحاتيه .. وغير جي يمكن أكون بفترة العيد الكبير عند أهلي وحابة إني أقضي العيد معاه
حتى هو ما يباني أترك البيت له بروحه ومو مقتنع بسالفة بيت أهلي .. ويقول أنا ما بسوي شي بس ابقي معاي !!
فمب عارفة شسوي ؟
هل يصير أبقى ببيت أهلي أسبوعين بس ؟
وهل صار هالشي معاكم وكيف تصرفتوا ؟
هلا حبيبتي عادى عنى انا اول مولود ليه كنت فى بيتي اول اسبوع وماقرصرن طبعا ام ريلى وخواته يساعدنى الله يجزيهن خير وعقب سرت لهلى 15 يوم اذا زوج محتاجج تيلسين عنده عادى بلعكس بيساعدج وبيشوفج بيشوفالياهل الله يقومج له بسلامه انشاء الله وخلى أمج تيلس اسبوع لان انشاء الله اذا ولدتىطبيعي هوه انج لا تتحركين وايد وخلى حد يساعدتج فى نظيف الياهل واهم شى انج ماتتحركين وااااااااااايد او مثل ماقلتى روحى اسبوعين عند اهلج وارجعى بتكونين انشاء الله احسن بس هاه ما اوصيج لا تتحركين وايد وغذي نفسج عدل ورضعي الطفل كل شوى انتى صحيه ورضعيه اهم شى الاربعين غذيه عدل اوكي انشا الله اكون افدتج فى هاشى
من رايي يلسي عند اهلج اول اسبوع لانج بتكونين تعبانه ومالج خاطر حق حد وعبها روحي بيت ريلج مب شرط 40 يوم هم بيساعدونج ومابيقصرون فيج اهم شيء لاتخلين ريلج وهو متعود عليج
عاااااااادي
اقعدي بيت اهلج بس اسبوعين
وردي عند ريلج
بس لازم تكونين قدهااا
يعني تهتمين بنفسج والبيبي
نحن عندنا لازم تقعد في بيت اهلها على الاقل اول اسبوعين عسب الزيارات الكثير في هالفترة فيكون الشغل على الوالده والشغالة ……والمربية بس تهتم وتفكر في نفسهاو البيبي…على اقل في الولد الاول لازم تحسين بهالشعوور
نصيحة..
قعدي بيت اهلج عالاقل اسبوعين او ثلاثة لانج بجر وايد بتحسين بصعوبة في تعاملج مع البيبي وحتى انتي تبين حد يجابلج ويهتم فيج لان حركتج بتكون محدوده وانتي مسوييلج خياطه..
وريلج ان شاء الله ما عليه شر لازم يتعود على هالوضع واهله ما بيقصرون
اختي قعدي عند اهلج اسبوعين عقب رديله احسن عند امج هي بتساعدج وبتمسك الياهل وبتقوم بالضيوف والله يسهل عليج
السلام عليكم….. انا افضل اتكونين عند ريلج … بتستانسين وهو بعد … ادا بيتج قريب من اهلج او اهله تراهم ما بيقصرون يتناوبون عليج في الزيارات وبتكونين مرتاحه من الحشره واللي بيزورج بيدق على امج او امه عشان ايعرف انتي وين … وبعديين الريل يستانس بالياهل خاصه اول مولود…" ابصراحه انا اول ما ربيت سرت بيت اهلى ريلي ما تحمل قام شل شنطته لحقني في بيت اهلي والله كان مبسوط من الولد كل اشويه ايشله ويجشيه بعد الرضاعه … والصبح ايقوم ايساعدني ايسبحه ويايا ويبدل البامبرز…. حليله لدرجه بس انش ارضع الفجر احصله ايحاول ايساندني ايقوم وييلس ايسولف معايا علشان اصحصح وارضع … والله مواقف الحمدالله يشكر عليها.. اما امي كانت بس حق الاستقبال وعمتي بعد…
يالله بالتوفيق حبوبه انتي شوفي مصلحتج وين بتكون واكثر شي وين بترتاحيين انشالله الله بيوفقج