أخواتي
بغيت مساعدتكن في إعداد جدول طبخ
مثل الجدول المدرسي
يترتب حسب
الآيام من الأحد للخميس
نحن الخميس عشاء و الجمعة و السبت يكون إجارة و ناخذ من المطاعم أو بيتزا آو كنتاكي و نكون في دبي آو نتعشى برا
المهم ماحب أزعج الشغالات وايد
نخلي الاجازة للترفيه للعائلة كلها
المهم
آبا كل وحدة تكتب لي :
بالنسبة للأكل عموما :
هل تطبخين انتي و الا الاعتماد على طباخ أو طباخة؟؟
هل تنوعين في الأكل و تحبين الحلويات؟ في عوائل الرجال عندهم يحبون السويت وايد؟
هل تحبين الأكل المودرن و الا الأكل التراثي الشعبي الإماراتي ؟؟
هل تحبين العزايم و تتميزين بالبوفيهات ؟
هل تحبين مطاعم معينة و دايما تطلبين منها؟
هل أكلاتكم خفيفة سندويتشات وغيرها ؟
تاخذين أكل للدوام و الا ماتهتمين ؟؟ تعزمين ربيعاتج و الا ؟؟
بالنسبة لقوائم الطعام:
هل تخبرين الطباخة أو الطباخ بقائمة اليوم فقط؟؟
هل تعتمدين على جدول ؟
هل تكررين الوجبات في الشهر 3 مرات مثلا؟
هل تهتمين بطعام معين للأطفال خصوصا انهم ماياكلون وايد؟
بالنسبة للطعام في الدوامات ( العمل ):
اللي أعرفه البعض يطبخ للموظفين و الموظفات
و بعضهن يسون بوفيهات
و بعضهن ياخذن سندويتشات
وبعضهن مايسون شي و تقولج أنا طبخت بإيدي خخخ…. أعرف ناس جي تفتخر عالفاضي الله يسامحها ومناك مايسون شي
كأني خبصت شوية
بس أعتقد فهمتوني
شكرا لتشريفكن موضوعي
بوفيه:
ياحبي للفول أموت فيه
مشهي
بالنسبة للأكل عموما :
هل تطبخين انتي و الا الاعتماد على طباخ أو طباخة؟؟يا انا ياأختي
هل تنوعين في الأكل و تحبين الحلويات؟ في عوائل الرجال عندهم يحبون السويت وايد؟يب يب اسوي حلويات وانوع بس مااكثر من الكميه لان اهلي مايحبون السويت وايد
هل تحبين الأكل المودرن و الا الأكل التراثي الشعبي الإماراتي ؟؟الشعبي اكيد
هل تحبين العزايم و تتميزين بالبوفيهات ؟يب يب عزايم 
هل تحبين مطاعم معينة و دايما تطلبين منها؟نو اكل البيت انظف واحسن 
هل أكلاتكم خفيفة سندويتشات وغيرها ؟لا ههههه مول يحبون الدسم ولا انا احب سندويجات
تاخذين أكل للدوام و الا ماتهتمين ؟؟ تعزمين ربيعاتج و الا ؟؟على ايام الدوام ماكنت اتفيج اودي اكل ههه كنا نطلب من المطعم لا يعزموني هم خخخخ
وناااااااسه الموضوع
لي رجعه باذن الله
أنا اطبخ, و الخدامة تزهبلي و اهم شي تغسل المواعين عقبي
انوع في الاكل و الحلويات, و عادي يوم مودرن و يوم تراثي كله زين
مممم ماحب اسير عزايم, بس احب اسوي عزايم
يوم كنت اداوم كنت احب اودي وياي شي الدوام ساعات
بالنسبة للجدول, ما اخبر الخدامة عن جدولنا اليوم, مسوية اكسل بوك, حاطه فيه لستة وجبات و مرقمتنهن, و مسوية تصنيف, شيت للغدا, شيت للعشا, للريوق, حلويات, شوربات…و كل يوم اقول لبو الشباب اختار رقم لغدانا باجر مثلا, و هو و حضه شو يطلعله ( بس اذا اختار رقم سويناه خلال اسبوعين اقوله يغير), الحلو اني حاطه في اللسته مثلا "الغدا من برع..><
شكرا عالموضوع