اليوم يابنات براويكم كيف تسوون كريم لتصفية وتوحيد وتفتيح المنطقه الحساسه وبين الافخاذ
طبعا الكل يشتكي من هالمشكله بس بشوية صبر ممكن نتغلب عليها ونجرب نجرب لين ما نوصل للنتيجه المرغوبه
وهالوصفه بعد لها ميزه انج ممكن تستخدمينها للركب والاكواع بنفس الوقت
وصفة اليوم سهله مثل ما عودتكم وبتحصلون كل المكونات بسهوله
بسم الله الرحمن الرحيم
بنحتاج اسكينول البابايا لانه يحتوي على مواد مبيضه ومرطبه في نفس الوقت مب شرات العادي اللي لونه ابيض او اللي بالليمون…هاي صورته
]
بنضيف للغرشه ملعقه كبيره نشا ونخضها عدل لين يذوب فيها
=========================================
وهنا شكل الاسكينول بعد ما ضفناله النشا وبنحتاج بعد سكراب البابايا وايد حلو ونسبة الحبيبات الصغيره اللي فيه خفيفه ويرغي ويا الماي
========================================
بنحتاج لعلبة اولاي بالتوت او كريم بلوك اند وايت الاصلي اللي لونه ابيض يعني اللي ترتاحين له او اللي تحصلينه(انا افضل اولاي بالتوت )
======================================
قطعه صغيره من السفيد اب اقل من ربع حجمها والاحسن نطحنها في المطحنه الكهربائيه عشان هذا حصى وما يستوي ناعم بالتفتيت باليد
====================================
نذوب قطعة السفيد في 2 ملعقه من محلول الاسكينول بالنشا ونضيفه لكريم اولاي بالتوت
لحين جدول الشغل
1 – الصبح نغسل المنطقه الحساسه بالغسول اللي متعوده عليه سيباميد او كيرفري ونشف الجلد
2 – نمسح المنطقه بقطنه مبلوله بالاسكينول بالنشا عدل وكل مكان ونتركه ينشف بروحه
3 – ندهن المنطقه بالكريم مع مساج خفيف عشان نضمن تغلغل الكريم في الجلد ونتركه يتشربه
4 – نلبس ملابسنا ونكمل يومنا عادي
5 – في الليل نستخدم سكراب البابايا كميه بسيطه بس ونفرك المنطقه عشان نقشرها بس شوي شوي
6 – نمسح بالاسكينول والنشا
7 – ندهن بالكريم بنفس الطريقه الي اتبعناها الصبح
8 – ما نلبس ثيابنا نريح المنطقه طول الليل لين الصبح
طبعا ممكن ندهن المنطقه 3 مرات في اليوم (ممكن عقب الغدا مثلا)بس بدون السكراب
اذا حبيتي كل مره تستحدمين الاسكينول والكريم استخدميه للركب والاكواع بنفس الطريقه الصبح والليل
مافي داعي طبعا اذكركم يابنات بطولة البال يعني عطي الجلد وقته في الاستجابه للكريمات اللي تستخدمينها وأهم شي المداومه والابتعاد عن الكسل وابتدوا في الاهتمام بنفسكم من وانتو مراهقات لا تتريون الريل اييكم وخلاف تتذكرون عماركم …النظافه الشخصيه لازم تكون موجوده عند البنت منوهي صغيره لان هالشي بيعود بالفايده عليها هي
مع السلامه
ماشاء الله عليييج
كفييتي وووفيتي غلاي ..
وكل هالاشيااء موجودة بكل بيت 
وصح كلامج لازم الووحدة تتنظف قبل لا اييهاا الريل ..
ويزااج الله خير اختي
مشكورة اختى بس شو هو السيفد اب ما اعرفة ومن وين احصلة
مشكووووووووره اختي
يانا الريل ولااازم نعتني ههه
السفيد اب سمعت ان مخاطره عديدة ؟ واعتقد ان تبيضيه مؤقت ولاشورايج اختي ؟
انا بعد سمعت انه اضرااااره عديده كيف احطيه ع المنطقه الحسااسه
السفيد اب ماله مضار والحريم من زمان يستخدمونه حق جسمهم ويوم يحفون الوجه بالخيط
اذا بتستخدمون المغشوش فطبيعي انه يسبب المشاكل لانه مصنع من الجص والزرنيخ ومواد وايد
وانا استوالي مده استخدمه للماسكات والصابون والكريم هذا الحمدلله ما اشتكي من شي