اول مره اشارك في هالقسم وان شاء الله ما تكون آخر مره
اليوم الحلو عباره عن كريم كراميل بس من لذته تطعمينه شرات الآيس كريم
المقادير:
2 قشطه
2 كريم كراميل
3 دريم ويب
4 كوبات ونص ماي
16 ملعقه حليب نيدو
الطريقه:
نييب الخلاط (Blender) ونقسم المقادير قسمين يعني المقادير تستوي عندنا كالتالي:
1 قشطه
1 كريم كراميل
1.5 دريم ويب
كوبين وربع ماي
8 ملاعق حليب نيدو
تحطينهن في الخلاط وتخلطينهن مع بعض وعقب تصبينهن في الجدر
عقب تخلطين القسم الثاني (نص المقادير الباقيه) وتصبينه عالخليط الأول
احين تسخنين المقادير كلها مع بعض لين ما توصل مرحلة الغليان وعقب تشلين الجدر
طبعا تكونين مجهزه الملال وفيهن عسل الكريم كراميل وتصبين الخليط فيهن
تحطينهن في الثلاجه ما يقارب ال 6 ساعات
وعقب كلي الحلو مع احبابج وهلج وادعولي ^_^
عاد سامحوني جان الطريقه هب واضحه لاني هب متعوده اكتب 
وحاضره لأي استفسار ^_^
وعليكم بالعافيه 
ان شاء الله تكون تجربتي ف عالم الطبخ مع طرقتج الحلوه وبجرب في سعيد الحظ
يربي وخبرينا بالنتايج ^_^
تسلمين حديث الورد ع الوصفة يعطيج العافية ^_^
نفس الطريقه موجوده بالصور في موضوع دبويه
سبحان الله نفس الطريقه بس باختلاف المقادير بس ^_^
الله يسلمج اختي
الظاهر بنات دبي يسون هالطريقه وخص هالمناطق
مشكووره الغلا ع الطريقه