السلام عليكم
شحالكم خواتي
فديتكن بغيت منكن خدمه بسيطه وهي بخصوص كريما الخفق مثل المراعي وبوك اللي هن غير عن ماكتوب كيف تستخدمونها لاني يوم جربت المراعي للكيك طعمها مر وضفتلها شوية سكر واختربت عني لاني دورت على كريما ماكتوب وماحصلتها عندنا بالسوق
الله يخليكم خبروني بطريقه مجربه وناجحه ضروري
>>والا كيف استخدامها
انا عن نفسي استخدمها فالسندويشات
يعني تبين تعرفين شكل كريمة الخفق
اذا جي افااا عليج الحين بطير للمطبخ بصورها لج وبرجع ^^
امكن اللي خذتيه مب كريمة خفق؟؟؟
او كريمة خاصة بالطبخ يعني تستخدم فالشوربة او صلصات الباشميل وهالسوالف,,,
انا اللي اشوفه بكارفور او الجمعيات والسوبرماركت,,
كريمة ماتوب فيها سكر
وكريمة شانتي,,,اظن تحتاج سكر بودر
وكريمة برزيدنت,,ايضا تحتاج سكر
عندك دريم ويب حلو حربيه
جربت المراعي وبريزيدنت وشانتي ما عجبوني ابدا
عزيزتي إن ما لقيتي ماكتوب و اللي هي أحسن كريمة بالنسبة لي
خذي كريمة خفق المراعي ضيفي لها ربع كوب
سكر بودرة قبل الخفق و اخفقيها و بعدين استخدميها عادي حلوة و خفيفة