ماعرف يا اخواتي من وين ابدأ
دائما اصيح امشي اطالع الجآمه و اتكلم مع نفسي
اقعد بروحي او اكون قاعده مع عيالي اتكلم مع نفسي
و اقعد اصيح
مشاكلي مع زوجي ما تخلص من ضرب و اهانه و تقصير
مع هالمشاكل اللي صارت فيني انتحرت مرتين
صبرت وايد تحملت وايد و صابرة عشان عيالي يكونون حول ابوهم
هو انسان محترم و يلبي كل اللي ينقصهم
بس اتخيلو ما يصرف علي نادرا و مرات
اول الشهر اجوف بوكه اتريا منه فلوس و ما يعطي و استحي اقوله عطني فلوس 💔
و الشي الثاني بسهوله يمد اييده و هلى اي شي احسه يكرهني اللي يحب ما يأذي اللي يحبه و ترا الضرب يعلم على جسمي
يصارخ علي جدام اهله ما يحترمني
يكلمني بأسلوب الامر هاتي ماي دلكي سوي اييبي 😢
ااحس اني خدامه مب زوجه و من ايي الليل يصير العاشق
يمر اليوم اتمنى كلمه حلوة بس ماشي
لمحت و قلت و صارخت ماشي فايده
حياتي في جحيم حتى الاكل ما اشتهي آكله نحفت و السبه هالعيشة
تمت الموافقة
عفوا لم أستوعب كلمة أنه يضرب ويُهين مقابل أنك معترفة أنه محترم
أين الاحترام مع رجل يُهين ويضرب ؟؟
اعتقد لم يصل الزوج لهذه المرحلة إلا لأنه لم يجد حزم من قبلك من أول مرة قام بضربك أو إهانتك
لو وضعتي الحدود لكان فكر مليون مرة قبل أن يضربك ماهي عواقب هذا الفعل ؟؟
أرى ان البداية منك فالحياة الزوجية لاتستمر إن فُقد الاحترام بين الزوجين
أعانك الله
اذا انتي تجوفين مصلحه عيالج معاه لازم تتحملين وتاخذين الحب بطريقتج مو شرط يقولج حبيبتي
احيانا لصقه فيج وقت العصر تغني عن كلمه احبج
طلعتج معاه بكوفي تغني عن كلمه مشتاقلج
ممكن ترجمين بعض تصرفاته على الكلمات الي تبينها وجي بتعيشين مرتاحه
واذا تبين فلوس قوليله عطني
ولا وقت ما تشرون حق اليهال اشتري لج ضربه خله يدفع ع الطاونتر حقكم كلكم
الله يفرج كربك ويحسن خلقه معك وحبيبتي إياك والإنتحار مرة ثانيه ما راح ينفعك لا تضيعين آخرتك ..إقرئي من القرآن آيات الصبر وجزاؤه..صبري نفسك بآيات الرحمه ..اصبري وانتظري من الله الجزاء العظيم ..ادعي برحمة الله ان يفرج همك ويبدل حياتك نعيم..آتاك الله في الدنيا حسنه وفي الآخرة حسنه ووقاك عذاب النار..
هو زين مع عياله واهله
معناته في شي انتي مب فاهمتنه فالريال
شوفي شو هو بالضبط
وبعدين حد ينتحر عشان الثاني مقصر .. المفروض المقصر يفكر فالانتحار مب انتي
يمكن ما يحب يبين عند اهله انه يحبج وايدين جي يخشون حبهم جدام اهلهم
الله اعلم بس احس في شي ناقص بينج وبينه لان هو زين مع عياله
بالتوفيق
مو شرط زين مع عياله يكون زين مع زوجته
في رجاجيل يعشقون عيالهم اما حرمته مجرد خادمه له ولهم ف نظره
الله يهديه
اختي ها حقج والريال واجب يصرف على حرمته ويعطيج مبلغ وقدره ثابت شهريا
وممنوووووووووووع يمد ايده عليج،،، بالذات بدون سبب
والاهانة والتجريح بعد هاي على صوب
انتي أساسا من اول العلاقة ليش سمحتي له،، ليش سكتي عنه
انتي السبب اللي خلى ريلج يتمادى
دخلي اهلج في الموضوع
بس قبل يلسي وياه يلسة محترمة وجدية وناقشيه عدل في الامور وان ما وافق او عاد اللي يسويه دخلي اهلج ولا تسكتين له
ليش ان شاء الله الحين الخدامة لها حقوقها وممنوع تنضرب،، عيل انتي شريكة حياته
لازم لازم تاخذين موقف
الله يكون في عونج