ممكن حبايبى طريقة كبة البطاطس ……..
سويتها كذا مره وماضبطت يوم اقلى الكفته تتفتت ……..
فاياليت الي عندها طريقه مجربه تقولى عليها …….
فوري البطاط وعقب إهرسيه وحطي وياه ملح وفلفل أسود وإخلطيهم عدل..
إحشي البطاط بالحشوة الي تبينها (أنا أسوي لحم مفروم) وعقب شكليه على شكل أقراص غطيه عقب في طحين عقب بيض وعقب بالبقسماط لين ما تخلصين كل الأقراص.. في ناس تخلط الحشوة ويا البطاط وعقب يسوون الأقراص ..أنا أفضل العكس عشان الطعم ما يتداخل ببعض ..جربت مرة ما عيبني وحسيبته تفتت شوي لأن اللحم ويا البطاط ما يتماسك..
السر حبوبة إنج تخلينه في الفريزر يوم كامل أو أقل شي 4 ساعات عقب تقلينه .. وعشان جي ما يتفتت !!
إن شاء الله أفدتج !!!
مشكوره ويزاج الله خير………