مرحبا بنات شحالكن
الغاليات انا قصتي قصة مع السواقات اقولكم حصلت رقم سواقة من المنتدى والله كانت واااااااااايد زينة تمت وياي شهر عقب قالتلي اونه بروح عرس في بوظبي وبييج عقب يومين عقب يومين تريييييييتها ما يت دقيت لها طلع تلفونها مغلق. الثانية نفس الشي حصلت رقمها من المنتدى بعد اقولكم واااااااايد اوكي ملتزمة بالوقت وسواقتها روعة مع انه سعرها غالي شوي المهم تمت شهر عقب قالت لي انا تراني بسافر ما بقدر اوصلج والحين متوهقة بغيت بس وحدة ملتزمة توديني من بيتنا في عيمان لين جامعة الشارجة بليز اذا تعرفون حد سااااااعدوني
سيرى عند مدرسة التعليم واتفقى ويا وحده
انا بعدنى ادور وحده وانا من العين وشكلى بسير المدرسه
مشكورة نورا1
على الرد الغالية انا دورت وما حصلت ياليت اللي عندها لستة تطرشلي ويزاكم الله خير
نفس حالتي ويا هالسواقات الله يعينا يعطونا كلمة وعقب ما ياخذن الفلوس ما نشوفهن
هيه والله صدقج اخت ميمي بس شو نسوي محتايين لهم
مشكورة بس للحين ما شي رد محد بنات عنده لسته لأرقام السواقات
اختي اذا حصلت حد لاتنسين لأني صدق متوهقه وشكلي بطلع من الدوام بسبة المواصلات
انا من الشارجه واداوم في حلوان قريب من مستشفى القاسمي