بسم الله الرحمن الرحيم
حبيت اكتبلكم قصة ولادتي اللي كان موعدها 24 -11 – ولكني ولله الحمد ربيت 3-12- طبعا رحت المستشفى مافيني الم ولاشيء فقرروا يحطونلي طلق صناعي وانا طبعا وافقت لانه كل ولاداتي بالطلق الصناعي نكمل….الساعة 6المغرب حطتلي اول تحميله 6 ساعات مافي ذرة الم مشيت ووكلت وتفرفرت عالاجنحة اللي مربين وعقب الساعة 1 فالليل حطتلي ثاني تحميلة الساعة 6 الصبح بدا الالم الساعة 8 يت الدكتورة وقالتلي 5 سانتي يلا نقلوني غرفة قبل الولادة والالم يروح ويرجع وجهازهم خربان يقول انه مافيني الالام لين الساعة 12 الظهر يت الدكتورة وفتحت الماي نقلوني غرفة الولادة الرحم فاتح 10 سم والبيبي ومايطلع النيرس مسكينة كانت وايد متساهله والله يسرها لي تمت تسوي توسيع لين بدا الراس يطلع طلع الراس وخلو الراس برا والجسم داخل مدة 10 دقايق وبعدين سحبوها والحمدلله كانت بصحة وعافية طبعا ربيت الساعه 2 الظهر يوم الجمعه وكل عندي 3 بنات كلهم مواليد الجمعه قولوا ماشاء الله وهذي كل قصتي ربي يسهل حمل وولادة كل حامل وتقوم بالسلامة هي وضناها دعواتكم خاوتي بالتربية الصالحة لبناتي ولكم مني الكشر والاحترام……
الف مبروك الغلااااا والله يجعلهااا من الصالحات
ما شاء الله ومبروووووووك ماياج
مبرووك والحمدالله على السلامه
الحمدلله عسلامتج
مبروك ما ياج و الحمدلله ع سلامتج
الف مبروك والحمدلله على سلامتج وسلامة البنوتة وتتربى في عزكم ويجعلها ذخر لكم وقرة عين