السلام عليكم إخواتي بغيت أعرف كيف أقدر أفتح ملف في مستشفى الكورنيش في قسم vip شو الإجراءات ويزاكن الله ألف خير
مرحبا ختيه والله مادري ان شاء الله البنات يفيدنج وربي يوفقج
انا زرت وحده في قسم الvip الصراحه ماعيبتني لان الصاله مالتها في صوب وغرفه في صوب وابد ماعيبتي
انا سمعت حق الليله 500 مب متأكده بس انا ابا شراتج
مرحبا اختي اذا انتي تقصدين انج تعالجين في عيادة ال في اي بي اول شي تروحين تفتحين ملف عادي في الكورنيش وتاخذين موعد لانه اول موعد لازم يكون في العياده العاديه ويوم بتروحين ان شاءالله الموعد اطلبي من الدكتورة اللي بتدخلين عليها انها تحولج ال في اي بي وبتحولج وتروحين هناك ويعطونج موعد حق الزيارة اللي بعدها ومن عيادة ال في اي بي تطلبين غرفة خاصة اذا تبين بيعطونج ورقة توقعين عليها وبيحطونها في ملفج بس طبعا لازم تكونين داخله شهرج يعني اذا طلبتي الغرفة في شهورج الاولى بيقولولج لا اصبري لين تدخلين التاسع واطلبيها وسلامتج حبوبه
مشكورات إخواتي على الرد يزاكن الله ألف خير