السلام عليكم ورحمه الله وبركاته
شخباركن بنات؟ كيف الصحة ؟
حبيت استفسر عن الفنادق اللى حوالين الحرم المكي
شو هى الفنادق اللى تحسوها نظيفة وحلوة وأسعارها معقولة؟
والغرفة الوحدة كم سرير فيها وهل تجي سويت ؟
الابراج احسن شي
وخصوصا زمزم والتوحيد ..
بزمزم سكنا ببرج هاجر واااايد حلو ومرتب ومجابل الحرم ..
بس الاسعار تختلف من وقت والثاني
[IMG]http://www.*******.org/images/gzddy9lja582f3t733cr.gif[/IMG]
وعليكم السلام ورحمة الله وبركاته
هلا أختي
أفضل الفنادق حول الحرم ..
انتركونتننتال التوحيد وهو أغلاهم يعني الغرفة في حدود الـ 1000 مع الريوق خلال هذي الأيام ويمكن اتحصلينه شوي ارخص
والحين ينافسه رافلز .. وفتحوه يديد ضمن أبراج البيت .. فيه بس سويتات ماشي غرف وأسعاره تبدأ لهذا الموسم من 1150 درهم
هذي أغلى الفنادق وطبعا أفضلها
بعديين اييج أبراج البيت ومجموعة الفنادق الللي فيه
وتقريبا كلهن زينات والاسعار معقوله وتتفاوت من واحد للثاني
وهي
زمزم جراند
الصفوة
هاجر
رويال دار الإيمان
رويال دار الغفران
وكلهن في حدود 400 إلى 500 للغرفه الثنائية
ورويال دار الإيمان امسوي عرض هالفترة الغرفة الثنائية بـ 370 تقريباً .. شوفي مكاتب السفريات اذا حابه
وعندج الهلتون بعد حلو
شي الهلتون الفندق
وأبراج مكة هيلتون .. وغرفهم وااايد وسيعه وكبيرة بس هي اقدمهم ومن سنتين تقريبا سووا تجديدات
بالنسبة للغرف أغلبها اييج بسريرين ..
وومن تجربتي واهلي انج اذا طلبتي غرفه ثلاثية ما اتكون اكبر .. هم بس يضيفون سرير للغرفة الثنائية فتحسينها تستوي ضيجه
وبعد أغلب الفنادق فيها سويتات
وعموما في الواحد أغلب وقته يكون برع الفندق في الحرم أو اذا بتتشريين.. وما اتيين الفندق الا للنوم او الراحة فترة الظهر
أنصحج تحجزين التذاكر روحج وعقب اتشوين كم من مكتب سفريات وتقارنين أسعارهم وتاخذين اللي يناسبج
حاولت اعطيج صورة عامة من تجربتي
واتمنى اكون افدتج والسموحة ع القصور
ولا تنسينا من دعواتج الطيبة
لانها مقابل الحرم على طول.. الابراج مشكلتهن انج تطلعين من لوبي الفندق تاخذين الليفت بنزلج المول ومن المول تمشين الين الحرم.. متعب وبعد تأخرين لانه وقت الصلاة اتكون وايد زحمة على الليفتات..
من ناحية الاسعار.. ابراج هيلتون مكة وزمزم اوكيه ونفس الشي تقريبا وباقي الفنادق اللي في الابراج اغلى مثل الموفيمبك الرفيلز وغيره لانهن يداد وفخمات..
اغلبه الناس تمدح خدمة واكل ابراج هيلتون مكة.. اما زمزم ماشي اللي مطعم البوفيه وغالي.. ماشي رووم سيرفس.. تتصلين عليهم مايردون يذلونج على كل شي.. اخويه طلب من اللندري يكووون كندورته حق صلاة الجمعة يابووها الجمعة فليل.. واتخيسين في الاستقبال الين ما اتسوين شيك ان واووت..
ومن ناحية السوق.. طبعا الابراج فيها مول.. وفالمول المحلات اللي متعودين عليها في البلاد.. اذا تبين تاخذين سيياييد ومسابيح وقهوة والتمور هالسوالف كلها احلى شي سوق ابراج مكة..
اذا انتم عايلة انصج بابراج هيلتون مكة.. غرفها اكبر واشرح وفييها سويتتات..
انشالله اكون افدج.. السموحة على القصور
ان شاءالله انا رايحه الاسبوع الياي وحجزنا ببرج الساعه اليديد التابعه لشركة اعمار بالفيرمونت لانه عباره عن غرف وجونيور سويت والرافلز عباره عن سويتات وشقق فندقيه ادخلي على موقعهم وشوفي الغرف واحس انه اسعارهم عاديه نحن حجزنا جونيور سويت واللي هو عباره عن غرفه فيها سرير وحمام "وانتوا بكرامه" وصاله مع نص حمام ومع الريوق طلع لمدة ثلاث ليالي بـــ 6350 درهم والغرفه ام سريرين منفصلين بــ 3920 درهم نفس المده وبصراحه احسن عن زمزم بــ 500 بس تكرهين حياتج مافيه لانظافه ولاخدمه شرات الاوادم ولانظام والحمامات وانتوا بكرامه رديئه والتمديدات الصحيه عندهم تعبانه مايمديج تتوضين الا غرقت الارضيه بالمياه ويلا عاد دوري حد يرد عليج ويسلك لج المواسير على قولة اخوانا المصريين واهم شي الراحه والنظافه خصوصا لان الواحد رايح يتعبد ودار التوحيد بعد ممتاز
حبوبة لو عندج ميزانية انصحج بالرافلز فخامة وراحة
مانصحج بزمزم موووووووووووووووووووووووووووووووووول