السلام عليكم ورحمة الله وبركاته
هذا اول موضوع أكتبه و ان شاء الله ما يكون الأخير
حبيت إني استفسر و آخذ رايكم عن الغيرة إلي يكون من الإخت لأخوها المتزوج
المشكلة مب فيهم هم زينين واايد أحبهم وحرمة أخوي مثل اختي
لكن في بعض الأحيان أغار من بعض المواقف … مثلا…
– ما احب أطلع وياهم لأني أحس إني بكون مثل الغريبة من بينهم أو إن حرمته حابه مثلا تتمشى ويا ريلها بروحه ومثلا أكون أنا ويا أمي
– أحيانا أخوي يكون ياي من السفر ومعاه الهديا ومثلا يراويني هديتي وهدية حرمته وعياله ، بس أشوف إن إلي يايب حق زوجته يكون أحلى و أشيك فأغار بس أقول شكرا على الهدية و إن سلامتك أهم
هذي الصفة اتوقع إنه فينا نحنا النساء … لكن ما أريد هذي الصفة أو الطبع يسبب لي مشكلة في يوم من الأيام
و أحيانا أقول إن حد غيري بيكون في يوم من الايام في مكاني وإنه هذي الأشياء عادية بس أنا ما خذتنها بحساسية زيادة
فحابه أسمع رايكم في الموضوع
وجزاكم الله خير على قراءة موضوعي
انا غرت مرة اخوي كان يروح ينشر غسيل الملابس معاها مع حرمته يمكن لاني حبيت يكون عندي ريل جي سبحان الله احساس صارلي جي بس مع اخو واحد مش كل اخواني كان احساس غريزي وراح بعدين انا عرست يمكن واعرف وحده وايد تغار يمكن لانها مش معرسه وعمرها احين بال32 وطالع واخوانها الي اصغر عرسووو وصارحتني والدمووع في عيونها بس حسيت الموضوع فيها مرض مش لوهله وخلاص وبعد خالها تزوج وحده صغيره قامت كل يوم تناقر وياها وععيالها وربيعتي هاي تحب العيال والله مارزقها وماتزوجت بعدها وتطفر في الي ماحملووو الله يهديها بس
عادي حتى انا من البداية كنت اغار من اخوي من تزوج
أكيد معاملته لزوجته غير عن خواته وهداياها بتكون أغلى منا
بس عقب مااهمتيت كل وحدة بتتزوج وريلها بيفضلها على خواته
وهداياها وسفراتها وطلعاتها بتكون قيمة من ريلها مابيمشي خواته دوم كثر زوجته
لانها شريكة عمره أما انتي اخته
فقلت حتى أنا بتزوج وريلي بيهتم فيني عقب بحس بأخوي ليش كانت هداياه واهتمامه لها أكثر خخخ
هاي وجهة نظري
لا هالشعور طبيعي ولاتخافين
بس لو صار واقع ملموس هني المصيبة لنج راح تقلبين حياه الغير لتعب ويمكن ينقلب التعب عليج
انا احس بغيرة خوات زوجي ولكن عمري والله شاهد علي ما سويت شي يثير غيرتهن لني مجربة. هالشعور واعرف
الله الله في حريم اخوانكن ماتدرون اي عيشه عاشوها في بيوتهم وراعوهن
والله الله في خوات ازواجكن
لا حول ولا قوة إلا بالله
ما أدري
ما حسيت جي قبل ^^
أحس بس حساسية لو تتخلصين منها يكون أفضل
بالإيمان واستعيذي من الشيطان كا ما تييج فكرة غيرة
وربي يسر لج
هالغيرة فالحريم شي طبيعي
بس حاولي ما تظهرينها جدام اخوج ومرته عساس ما تستوي حساسيات
الله يهدينا