انااوايد محتاره لاني ولا مره في حياتي حجزت بفندق الحينه انا عندي بناتي وحده خمس سنين ووحده اربع سنين ووحده شهر
الله يسلمكم يوم ادخل الموقع ابغي احجز ماعرف نوع الغرف صج ماعرف
بنوتي اللي عمرها شهر برقدها وياي مب مشكله لاني متعوده جي بس بناتي كيف اسوي يعني لما احجز شو احجز غرفتين ولا في غرف فالفنادق تكون مفتوحه على بعض والله فشله بس شو اسوي خخخ
بس مابا احجز غرفتين منفصلتين عن بعض اخاف على بناتي اباهم جدام عيني
شو الحل يعني معقوله كل الناس يوم تحجز فالفنادق ماتودي عيالها ولا شسالفه اللي اتعرف مع اني اتوقع الكل يعرف الا انا يفيدني وثانكس مقدما
هلا اختي.. ليش ما تحجزين شقه فيها غرفتين وحده لج والثانية لبناتج.. وايد فنادق عندهم نظام شقق فندقيه وانتي تختارين اذا تبين شقه بغرفة او بغرفتين او ثلاث.. من اسبوعين كنا حاجزين في شقق فندقيه في دبي كان حلو ومرتب عباره عن شقه من ثلاث غرف وصاله ومطبخ تحضيري
اتمنى اكون افتدتج
ويستوي غرفتين حذال بعض بأي فندق ,,,بينهم باب,,,او شقة بغرفتين,,او بعض السويتات,,فيها غرفة اضافية,,
يزاج الله خير الحين فهمت مشكوره اختي
السلام عليكم ورحمه الله وبركاته
عزيزتي اذا فندق خذي غرفتين وفي من بينهم باب اسمها connected room>
واذا بغيتي اسويت غرفه و صاله وتطلبين سراير اضافيه.
او شقق فندقيه بغرفتين وصاله ومطبخ.
الخيار لج عزيزتي.
حبيبتي يصير تطلبين لهم سرير خاص بالأطفال
أنا جذي أسوي لما آخذ أولادي معاي (:
ههههههههههههههه
محد يودي عياله الفنادق