شحالكم ياالغاليات عساكم إلا بخير
أنا عندي ولدي بسم الله عليه متين هو عمره 9 سنوات بس والله متلعوزه ماأحصل له بناطلين على مقاسه حتى السايز إللي أكبر عنه يطلع أبداً مب حلو وياما إشتريت له ومايلبس أعطيهم لحد ثاني بالنسبة للقمصان والتي شيرت أوكي أحصل بس البناطلين والشورتات صعب وايد وأقعد أحوط في السوق وماأحصل شئ مناسب له وهو مايحب يلبس الكنادير مايسمع الكلام جربت أشتري له قطع وأفصل له بس والله مول مب حلو التفصيل يطلع شرات بناطلين الأسيوين مب مثل الجاهز أحلى شو أسوي تعبت والله
وبخصوص الوزن تراه هو عنده الربو من الدرجة الأولى ولازم ياخذ أدوية وفي أدوية تنفخ وعاد تعرفون الحلويات والشيبسات والكاكاو والغازات والله مول مايسمع رمستي الله يحفظه والدكان جريب
الله يعينج
الله يعافيه .. شركيه في نادي عشان لو ياكل يحرق في نفس االوقت شركيه سباحه الاولاد يحبون السباحه في هذا العمر ومب زينه السمنه حق الاطفال .. جربي تآخذيله من ماركس سبنسر ودبنهامز عندهم سايزات كبيره ..
انا اعرف حد يشتري بناطلين و شورتات .. اصغر مقاس من ثياب الرياييل و يقطعونهن فالطول بس ,,,
الله يحفظه و يخليه لكم يارب
يزاكم الله كل الخير ماقصرتوا فديتكم
ما شاء الله تبارك الله
الله يحفظه ويحميه من كل شر
الغالية عادي خذيله البرمودات او الشورتات مقاس اكبر من عمره بيطلع عليه اوكي احسن عن البنطلونات
وحاولي اتعودينه على الجلابيات فالبيت والكنادير يوم يطلع
شجعيه وقوليله انت صرت ريال ولازم تلبس مثل ابوك منها بترتاحين من سالفة المقاس ومنها بتحمين ولدج من عيون الناس الي ادقق حتى فتفاصيل جسم الياهل
والله يحفظه لج….
الله يعينج