مراحب بنات:ممكن تساعدوني في حل مشكلتي الصغيرة؟؟
انا وحدة احب الترتيب وايد..وعندي علب وبوكسات لكل شي تقريباً
الا العقود عجزت القى لها شي مناسب..يعني الخواتم لها بوكس والسوع لهن بوكس
والاسكارفات لهن معلاق خاص ..حتى الحلقان والاساور شريت لهن الحوامل الخاصة بهن
ومثل ما قلت الا العقود فارتهن في بوكس بشكل فوضوي ..فكرت اشتري العلاقة الصغيرة
الخاصة بطرابيش كنادير الرياييل ..بس شفتها انها مب عملية وممكن اي هزة بشكل عفوي
تطيح وتسوي لي شغله في تجميعها انا في غنى عنها..
بليز شوروا علي بأفكار يديدة ومفيدة ممكن تفيدني في تعليق العقود بلا فوضى.
اختي جربي علاقات السلاسل اللي بالسوق الصيني يبيعوها بقسم الاكسسوارات تجي بشكل مثل الشجرة متفرعة وتعلقين بيها السلاسل وعندج بعد في سنتر بوينت عند لايف ستايل ديكورات خشبية تجي جواريرللاساور وتقسيمات للخواتم وعلى جنب دواليب فيها تعليقات للسلاسل يعني دولاب متكامل للاكسسوارات اني ماخذة مثلها ورتبتلي الاكسسوارات كلها بشكل جميل
المشاركة الأصلية كتبت بواسطة احب العطور 
مشكورة حياتي لا خلا ولا عدم يارب
بس انا ابا افكار يدد يعني ابا شي ملموم
ماابا اشجار او خزائن -يعني اذا في افكار ثانية
زود يا هلا..ومشكورة مرة ثانية يا محبة العطور
سرتي كليرز؟
احيد عندهم علاقات وهالسوالف خذيلج نظرة سريعه وبالمرة خذيلج كم اكسسوار خخخخ
المشاركة الأصلية كتبت بواسطة ~fantasy~ احيد عندهم علاقات وهالسوالف خذيلج نظرة سريعه وبالمرة خذيلج كم اكسسوار خخخخ
احياناً اخطف عليهم ما لفت نظري هالاشياء عندهم
شكرا يا خفيفة الدم يسلمو ياعسوله
ان شاء الله حد يفيدج