في البداية "السلام عليكم ورحمة الله وبركاته"
أنا شفت مواااضيع كثيره للبنات وهم يسألوون عن حل للكلف
وجاوبت على كم وحده بهذه الخلطة .. بس ما أعتقد أحد فكر يجربهااا
بنات هالخلطه عجيبه وسهله وتمت تجربتها على أكثر من وحده أعرفهم ..
وكلهم تعجبووا من النتيجه .. تخيلوووا الكلف يبدأ يتقشر .أو بشكل أوضح يستوي فراغات في البقعه وتبدأ الفراغات تزيد والبقعه حجمها يصغر إلى أن يختفي ..
وتقدروون تسوونها حتى ولو ما فيكم كلف هي مفيدة جدا وتفتح البشره >>>يعني تبييض
أنا مره قلت لصديقتي عنهاا وراحت وسوتها واستخدموها هي وأخواتهاا ..
وأختها تدرس في الجامعه ..ومره في وحده بنت تشكي لها مشكلة الكلف قالت : ما تركت خلطة إلا وجربتها وكريمات تفتيح وتقشير واشتريت من كريمات اللي يقولون علاج بس بالاعشااب وكيماوي بس كلهم بدوون فائدة ..
فقالت لها"أخت صديقتي" : أنا بقول لج عن خلطه جربيها شهر وشوفي العجب .
قالت البنت : أجرب وشو بقى ما جربته ..يمكن الحل يكوون عندج ..
تقول : أسبوع وهي راجعه تقول لها >>صحيح كلامك والله هالخلطه عجيبه ..
تخيلواا الكلف بدأ يطلع !!
والله أنا نفسي ما صدقت !!
تدروون بصراحه أنا سويت هالخلطة وعطيت أختي اللي فيها كلف وقالت لي إنها نتيجتها حلووه >>أنا نفسي شفت وجه أختي افتح والكلف خف كثيررر .. بس أختي ما استمرت عليهااا .
كنت حاطه فيها زيت زيتوون مقري فيه فقلت يمكن أختي فيها عين وهذا السبب .. بس جربتها على وحده غير أختي ونفس الكلام .. والله العظيم يا أخواتي >>أنتبهوا تراني حلفت باسم ذا الجلال والاكرام انها قبل ما يمر شهر إلا هي متصله وتقوول والله هالخلطة هي الحل ..
وسألتني عن مكوناتها ..
المهم يا بناات أنا ما أريد منكم ولا شيء . بس ابيكم تجربووونه أسبووعين على الاقل وإذا ما شفتوا فرق بكيفكم تستمروون او توقفوون >>أصلا مكوناته عاااديه وما تضر
المهم الخلطه عباره عن ..
مقدار زجاجة ماء مسافي الصغيره زيت زيتوون … و ملعقة ك كركم ..وبس
تحطوون زيت الزيتوون على النار إلى أن يسخن وبدوون ما يغلي .. وتحطوون عليه ملعقة كركم .. وبسمعوون صووت "تششششششششششششششششش" وخلاص سكروا الغااز وبعد ما يبرد حطيه في علبة واستخدمووه يومياا قبل النووم أو اي وقت ساعتين .
وأتمنى تقرون فيه المعوذاات وآية الكرسي ولو تقدرون الرقية الشرعية . ترى القرءان كله بركه وفي نفس الوقت تحصين
….
بنااااات أمنيتي الوحيده انكم ترجعوون بعد أسبوعين وتخبروني النتيجه ..والله إني أتمنى أساعدكم وأشوفكم مبسووطين
لأن الكلف مشكله صعببببه وكثير يعانوون منها ..
……………. أدعوا لي بالتوفيق والله يرزقني من حيث لا احتسب
ويتبع >>> تجارب بنات سوو هالخلطه وكيف النتيجه معاهم ..
مشكووورة اختي على الوصفة انا من اليوم باذن الله بجربها لاني فعلا جربت اشياء وايد للكلف
بس بعده موجود ان شاءالله اذا شفت نتيجة من هذه الخلطة بخبرج..
الله يوفقج ويفتحها عليج والله يرزقج من حيث لا تحتسبي
هالخلطه انا اللي كاتبتها وهذي تجارب البنات عليها وردودهم لي شخصيااا ..
//////////////////////////////////////////////////////////
الله إنك صادقة ياختي الكلف بدا يتقشر بس بطيئ
………………………………………….. ………
صادقه ربي يوفقك .. انا صديقتي ظربها الباب ع خدها وطلع مكانها بني نفس الكلف واستخدمت الزيت والكركم ماشاء الله اختفى
………………………………………….. …….
المشاركة الأصلية كتبت بواسطة ريــمي
لي خمس ايام تقريبا استخدمه اول مااصحى
من الساعه 6 الصبح لمالساعه 8
وبعض الاحيان لم الساعه 10 الصبح وقت طويل يعني
الملاحظات
احس يفتح بوقته بس بشكل عام حلو حلو جدا اشوف في تقدم بس خفيف توني لي خمس ايام
وان شاء الله اكمل عليه وابشركم
الله يحقق الي في بالك يارب
………………………………………….. .
جربتها للأسف ما فادتني
………………………………………….. ……….
بأذن الله بجربها خصوصا خصوصا امي قبل يومين تقول القحطاني يقوووووول خلوووووووووووو الخلطاات تبون البياض في شيئين خلطتة اللي فيها دوكين ورتن اي ومدري ايش وقاااااال والكركم وعااااااادي لو حق الأكـــل تسذا قااااال
………………………………………….. ………
جزاك الله خير
انا فيني نمش مدري يفيدني والا لا
ودي اجرب بس لون الكركم مشكلة خصوصا اللي عندها دوام
………………………………………….. ………..
اخت دموع الشمس بالنسبة للكلف العميق تعتقدي ياخذوقت طويل لاني الان لي تقريبا شهر على الخلطة لكن التقدم لا يكاد يبان
………………………………………….. ……………
فعلا الكركم رهيب للكلف والله بنت خالتى سوتها قسم بالله صارت تهبل لمدة شهر وصارت بشرتها موحدة بس مع الفازلين سوتها وينفع حق الاكل اكثر من حق الجسم وبعدكانو الصحابيات يستخدمونه بعد النفاس يطلين وجوههن بالورس وهو الكركم من الكلف
………………………………………….. ……….
وربي ابي ابوسك من جد عالخلطه اربع ايام وبان مفعولها مشكوره عسوله الله يسعدك دنيا واخره
………………………………………….. ………
السلام عليكم
حبيباتي فيه شركه هنديه معروفه وقديمه اسمها مهران مصالحه تبيع كل انواع البهارات تلاغونها تبيع كركم خالص لوحده نصيحه مني خذوه وريحو راسكم لانو مافيه شي اسمه كركم جسم وكركم اكل وهذا كلام الهنود الي هم اهل الكركم وادراء به
………………………………………….. ……………..
مرحبا إختي ……………الله يجزاك خير ………أنا جربت الخلطة من إسبوعين أكثر ,,,,,,,صراحه الكلف مازال موجود لكن لاحظت تفتح في البشرة وبهتان للون الكلف وإن شاء الله مازلت مستمرة حتى أصل للنتيجه الحلوه ,,,,,,,,,,,,,أتمنى أن تكون قريبا
………………………………………….. ………………..
المفروض تحطي على الكلف فقط
لحد ما يروح بعدين على البشره كلها
سمعت اخصائية تجميل
تقولها
المفروض نحط الخلطات الخاصة بتفتيح الكلف على الكلف فقط
لان لو حطينا على البشره كلها
راح تفتح البشرة كلها ويبقى الكلف
ابداؤ بعلاج الكلف اللي عندهم و بعدين باقي البشره
ان شاء الله فهمتوا عليا
………………………………………….. ……………….
مدري ليه أحس إني اقتنعت مررره بهالخلطة ,,,,,,,,,,,,,,وحسيت إن الله كتب شفائي من هالكلف بهالخلطة
الله يسعدك دنيا واخره
آآه نسيت أقول لك البارح زينت الخلطة بس للحين ماقرأت فيها البقرة وحطيت منها البارح ……..اليوم وجهي فيه قشور حولين الفم
شكل الخلطة مقشر طبيعي ,,,,,,,,,,,,,,,يكفي إن فيها زيت زيتون الشجرة المباركة اللي اقسم بها الله سبحانه وتعالى
الله يكتب لنا الشفاء يارب في يوم الجمعة المباركة يارب
………………………………………….. …………………………
مساء وصباح الخير
بنات ف عضوه كتبت عن خلطه للكلف وكانت الخلطه مرا روعه
وطبيعيه واستخدمتها لماما وربي شالت الكلف ف اسبوعين مع انو كلف ماما كان عميق واستخدمت علاجات من اكثر من اخصائي وكان النتيجه مو حلوه واذا حلوه اول ماتبطل ترجع
انا اعطيتها هالخلطه الي من عضوه ماعرف اسمها وكنت الخلطه هي
كركم وزيت زيتون
وربي انو ماما بطلتها وبشرتها تاخذ العقل
بس لاتحطوها تحت العين ولاتتركوها اكثر من ساعتين يعني ساعتين واغسلوها
وشوفو كيف خلال اسبوعين ادري طولت عليكم
بس حابه تستفيدو زي مااستفادت ماما
وكمان ودي اوصل هالشكر للعضوه الي تعرف اسمها تكتبه والله يجعلها ف موازين حسناتها
…………………………………….
واللي تبا تقرأ الموضوع الاصلي بنفسها مع الردود ترسلي عالخاص وانا برسل لها الرابط
ربي يوفقك حبيبتي
لا تطلع الخلطة كذبة ابريل بعد خخخخخخخخ
بس انا عن نفسي بجربها